حرامانی، ایمن سلیم پر کیوں  فخر کرتی ہیں؟

?️ 1 جون 2021

کراچی (سچ خبریں) ایمن سلیم کی مصروف ترین روٹین اور ایک کے بعد ایک پروجیکٹ میں حصہ لینے پر معروف اداکارہ حرا مانی کی جانب سے اُن پر فخر کا اظہار کیا گیا ہے۔حرا مانی کا ایمن سلیم کی پوسٹ کے کیپشن میں کہنا ہے کہ  ’اُنہیں ایمن سلیم پر فخر ہے۔

تفصیلات کے مطابق پاکستان شوبز انڈسٹری میں نئی اُبھرتی اداکارہ ایمن سلیم نے اپنے نئے فوٹو شوٹ سے ایک خوبصورت تصویر دلچسپ کیپشن کے ساتھ سوشل میڈیا پر شیئر کی ہے جسے خوب پسند کیا جا رہا ہے۔ رمضان میں خصوصی مزاحیہ ڈرامہ سیریل میں اپنی جاندار اداکاری کے سبب ہر طرف چھا جانے والی ایمن سلیم آج کل بے حد مصروف ہیں اور فوٹو شوٹ پر فوٹو شوٹ اور دھڑا دھڑ نئے پروجیکٹ سائن کر رہی ہیں۔

مصروفیت کے باوجود ایمن سلیم اپنے ہر نئے فوٹو شوٹ کی تصویریں اپنے مداحوں کے ساتھ سوشل میڈیا ایپ انسٹا گرام پر شیئر کرتے ہوئے رابطے میں ہیں۔ایمن سلیم کی جانب سے اپنے اکاؤنٹ پر ایک نئی تصویر شیئر کی گئی ہے جس میں وہ ایک صوفہ پر فوٹو شوٹ کے لیے تیار بیٹھی ہیں۔

ایمن سلیم کی ٹیم اُن کے کپڑے صحیح کر رہی ہے اور اُن کے بالوں کو سنوارنے میں مصروف ہے جبکہ وہ خود پیزا کھا رہی ہیں۔ایمن سلیم کا اپنی اس پوسٹ کے کیپشن میں کہنا ہے کہ آج کل انہیں کسی بھی چیز کے لیے وقت نہیں مل رہا ہے مگر کام کے دوران وہ پیزا کھانے کے لیے وقت نکال ہی لیتی ہیں۔