?️
کراچی: (سچ خبریں) ٹی وی میزبان اور سابق اداکارہ شائستہ لودھی نے اداکارہ ثنا جاوید اور کرکٹر شعیب ملک کی شادی پر ہونے والی سوشل میڈیا ٹرولنگ اور تنقید پر افسوس کا اظہار کرتے ہوئے کہا کہ انہیں رونا آرہا تھا جب انہوں نےدیکھا کہ لوگ ایک دوسرے کی فیملیز کو سوشل میڈیا پر اچھال رہے ہیں۔
یوٹیوب چینل کے پوڈکاسٹ میں شائستہ لودھی نے شرکت کی جہاں انہوں نے ثنا جاوید اور شعیب ملک کی شادی کے بعد ہونے والی ٹرولنگ سے متعلق پہلی بار گفتگو کی۔
انہوں نے کہا کہ اگر دو بالغ افراد ایک دوسرے کو پسند کرتے ہیں اور اپنی باقی زندگی ایک ساتھ گزارنے کا فیصلہ کرتے ہیں تو اس میں کوئی حرج نہیں ہے۔
شائستہ لودھی نے دونوں پر کی جانے والی تنقید پر کہا کہ ’سوشل میڈیا پر لوگ بہت زیادہ فارغ ہیں‘، انہوں نے کہا کہ ’دونوں میرے بہت اچھے دوست ہیں، اندازہ تھا یا نہیں، یہ ہر ایک کی اپنی چوائس ہوتی ہے، اکثر اوقات خود کو بچانے کے لیے ہم چیزوں کا اظہار نہیں کرتے۔‘
سابق اداکارہ نے کہا کہ سوشل میڈیا بہت فارغ چیز ہے، لوگ جس طرح چاہیں دوسرے لوگوں کو پرکھنے لگ جاتے ہیں’۔
انہوں نے کہا کہ زندگی میں آنے والے ناخوشگوار واقعے کو سب کے سامنے بیان کرنا یا شئیر کرنا ضروری نہیں ہے، کون کس سے مل رہا ہے، اس کی زندگی میں کیا چل رہا، آپ کو کس نے اجازت دی ہے کہ آپ کسی کو judge کریں؟
شائستہ لودھی نے کہا کہ ’میرا کام ٹی وی اسکرین پر پرفارم کرنا ہے، اسی حوالے سے لوگ مجھ پر تنقید کرسکتے ہیں، نجی زندگی میں کیا ہورہا ہے، میں کس کے ساتھ ہوں، کس کے بارے میں کیا سوچتی ہوں، ایسی باتیں میں کیوں اور کس لیے بتاؤں؟‘
انہوں نے ثنا جاوید اور شعیب ملک کا نام لیے بغیر کہا کہ وہ دونوں بچے نہیں ہیں، اگر دو لوگ ایک دوسرے کے ساتھ خوش ہیں تو اس میں کیا حرج ہے؟ اس میں لوگ کیوں پریشان ہیں؟’
شائستہ نے ناگواری کا اظہار کرتے ہوئے کہا کہ ’لوگوں کو کچھ نہ کچھ چاہیے ہوتا ہے‘ سوشل میڈیا پر عجیب و غریب اور گندے تھمب نیل لگا کر ویڈیوز وائرل کرتے ہیں، یہ اندازہ نہیں کہ ثنا جاوید کی بہن، بھائی اور اس کی فیملی بھی ہے، یہاں تک کہ ثنا اور شعیب پہلے جن کے ساتھ تھے، ان کی بھی عزت ہے۔’
اداکارہ نے کہا کہ سوشل میڈیا پر کمنٹس پڑھ کر انہیں رونا آرہا تھا کہ لوگ کس طرح ایک دوسرے کی فیملیز کو سوشل پر اچھال رہے ہیں، پتہ نہیں ہم لوگوں کو خوش نہیں دیکھ سکتے اور ان کے ماضی کھودنے کی کوشش کرنے لگ جاتے ہیں۔
یاد رہے کہ ثنا جاوید اور شعیب ملک نے 20 جنوری 2024 کو تصدیق کی کہ دونوں نے شادی کرلی، تاہم یہ واضح نہیں کیا کہ دونوں نے کب شادی کی۔
ثنا جاوید اور شعیب ملک کی یہ دوسری شادی ہے، اداکارہ کی پہلی شادی گلوکار و اداکار عمیر جسوال جب کہ کرکٹر کی پہلی شادی بھارتی ٹینس اسٹار ثانیہ مرزا سے ہوئی تھی۔
ثنا جاوید اور شعیب ملک کی شادی پر نہ صرف پاکستانی بلکہ بھارتی مداح بھی حیران رہ گئے تھے اور سب کے ذہنوں میں سوال ہے کہ دونوں نے پہلی طلاقوں کی تاحال تصدیق نہیں کی اور دوسری شادی کرلی؟ جبکہ دونوں کی خبروں کئی ہفتے تک وائرل ہوتی رہیں۔


مشہور خبریں۔
امریکی فضائیہ کے چیف آف اسٹاف کی جلد ریٹائرمنٹ
?️ 19 اگست 2025سچ خبریں: پینٹاگون نے ایک بیان میں اعلان کیا کہ امریکی فضائیہ
اگست
مریم نواز کا پنجاب میں انفراسٹرکچر اور ڈیزائن سٹینڈرائزیشن کا فیصلہ
?️ 25 فروری 2026لاہور (سچ خبریں) وزیراعلیٰ پنجاب مریم نواز شریف نے صوبے میں انفراسٹرکچر
فروری
صحت کارڈ کے حامل مریضوں کو علاج کی رقم واپس نہیں کرنی ہوگی: فیصل سلطان
?️ 4 جنوری 2022اسلام آباد(سچ خبریں) وزیراعظم عمران خان کے معاون خصوصی برائے صحت ڈاکٹر
جنوری
اسرائیلی انٹیلیجنس کو اور دھچکا
?️ 5 جنوری 2025سچ خبریں:ایک سینئر اسرائیلی انٹیلیجنس افسر نے طوفان الاقصی آپریشن میں ناکامی
جنوری
کورونا جنگ میں امریکی حکومت کے 400 ارب ڈالر کی چوری
?️ 13 جون 2023سچ خبریں:ایسوسی ایٹڈ پریس کے مطابق جعلسازوں نے ممکنہ طور پر کورونا
جون
مغربی کنارے میں مسجد نذرِ آتش کرنے پر عرب لیگ کی شدید مذمت
?️ 24 فروری 2026مغربی کنارے میں مسجد نذرِ آتش کرنے پر عرب لیگ کی شدید
فروری
ہم روس کے ساتھ جنگ نہیں چاہتے: نیٹو
?️ 5 مارچ 2022سچ خبریں:نیٹو کے سکریٹری جنرل نے ایک بیان میں کہا کہ فوج
مارچ
مسجد الاقصی پر صیہونیوں کے مسلسل تیسرے روز حملے
?️ 17 اپریل 2025سچ خبریں: سیکڑوں صیہونی آباد کاروں نے پاس اوور کے نام سے
اپریل