بالی وڈ کے کے کون سے مشہور اداکار پاکستان آرہے ہیں؟

?️ 16 اگست 2023

سچ خبریں: بھارتی میڈیا ذرائع نے دعویٰ کیا ہے بالی وڈ کے دبنگ اداکار سلمان خان اپنی نئی فلم ٹائیگر3 کی کہانی میں بھی پاکستان آئیں گے۔

بالی وڈ میں سنی دیول کی نئی فلم غدر2کامیابی کے جھنڈے گاڑ رہی ہے اور صرف پانچ دن میں اس کا بزنس 200 کروڑ تک پہنچ گیا ہے۔

یہ بھی پڑھیں: بالی وڈ کی معروف اداکارہ کا ماضی میں اپنے مالی حالات کا انکشاف

اداکار اپنے آئیکونک کردارتارا سنگھ کی شکل میں پاکستان آتے ہیں اور اپنے بیٹے کو واپس لے جانے کی کوشش کرتے ہیں، بھارتی شائقین کی طرف سے اس کہانی کو بہت پسند کیا جارہا ہے۔

بھارتی میڈیا ذرائع نے دعویٰ کیا ہے بالی وڈ کے دبنگ اداکار سلمانخان اپنی نئی فلم ٹائیگر3 کی کہانی میں بھی پاکستان آئیں گے
ذرائع کے مطابق نئی ایکشن تھرلر فلم میں سلمان خان اور عمران ہاشمی پاکستانی اور انڈین خفیہ ایجنٹوں کا کردار ادا کریں گے اور شائقین کو ایکشن سے بھرپور مناظر دیکھنے کو ملیں گے۔

مزید پڑھیں: ماضی میں شدید مالی مشکلات کا شکار ہونے والے بالی وڈ کے معروف اداکار

یہ اطلاعات بھی سامنے آئی ہیں کہ شاہ رخ خان کی میگا فلم جوان کے ساتھ ٹائیگر3کا مختصر ٹیزر جاری کیا جائے گا۔

منیش شرما کی ہدایت کاری میں بننے والی فلم کو رواں برس دیوالی کے موقع پر ریلیز کیلئے پیش کیا جائے گا اور فلم میں شاہ رخ خان بھی ایک کومیو جھلک دیں گے۔