یومِ مزدور پر وزیر اعظم کا اہم پیغام، مزدوروں کی بہتری کے لئے پرعزم ہیں

?️ 1 مئی 2021

اسلام آباد( سچ خبریں)وزیر اعظم  عمران خان نے کہا کہ حکومت محنت کشوں کے حالات بہتر بنانے کیلئے پرعزم ہے، حکومت کامقصد کارکنوں کےفلاحی اداروں کے لیے خودکارنظام وضع کرنا ہے،کوشش ہےمحنت کشوں کو اندرون و بیرون ملک ملازمتوں کے بہتر مواقع میسر آ سکیں۔

تفصیلات کے مطابق وزیراعظم عمران خان نے یوم مزدورپرپیغام میں کہا ہے کہ اسلام نےمحنت کشوں کےحقوق کااحترام کرنے پر خصوصی زور دیا ہے، نبی کریم ﷺ کی کئی احادیث میں محنت کشوں سے منصفانہ سلوک کی تعلیم دی گئی ہے۔

وزیراعظم کا کہنا تھا کہ کورونا کے باعث محنت کشوں روزاجرت پر کام کرنے والوں کوچیلنج درپیش ہے، حکومت محنت کشوں اوریومیہ اجرت پرکام کرنے والوں کے چیلنج سےآگاہ ہے ، کم آمدن والے محنت کشوں کیلئےحکومت نے مزدور کا احساس پروگرام شروع کیا۔

عمران خان نے کہا کہ یکم مئی ہمیں محنت کشوں کی قربانیوں ، بہادری اور عزم کی یاد دلاتا ہے ، مزدوروں بنیادی حقوق برقرار رکھنے اورمنصفانہ ماحول کے لئے جانیں نچھاور کیں، ہمیں چاہیے اندرون اور بیرون ملک محنت کشوں کے قومی تعمیر کی خدمات کا اعتراف کریں۔

انھوں نے مزید کہا کہ لیبر مارکیٹ کے مدنظر پیشہ وارانہ تربیت اورہنر کی ترقی کے پروگرام شروع کیے ہیں، کوشش ہےمحنت کشوں کواندرون و بیرون ملک ملازمتوں کے بہتر مواقع میسر آ سکیں۔وزیراعظم کا کہنا تھا کہ حکومت کوویڈ19 سے محنت کشوں کیلئےپیدا صورتحال اور چیلنجز سے آگاہ ہے، ہماری پالیسی ہے کہ محنت کشوں کی جان اور معاش کے تحفظ کے مابین توازن ہو ، کوشش ہےدوران وبا محنت کش مناسب ذریعہ معاش کمانے کے بھی قابل ہوں۔

عمران خان نے مزید کہا کہ احساس پروگرام کم آمدن محنت کشوں کی ضروریات کے مدنظر تیار کیا گیا ہے، ہم محنت کشوں کواپناسمجھتے ہیں اوراس سے حوالے سے اپنی ذمےداریوں سے آگاہ ہیں، پرعزم ہیں کہ اقتصادی ترقی کےثمرات سےمحنت کش سمیت تمام طبقات خوشحال ہوں، اللہ ہمیں اپنے کارکنوں اور خوشحالی کیلئے بہترین کوششیں کرنے کی توفیق عطا فرمائے۔