?️
ملتان: (سچ خبریں)پیپلز پارٹی کے وائس چیئرمین اور سابق وزیراعظم سینیٹر یوسف رضا گیلانی نے قومی اسمبلی کے ضمنی انتخاب میں پی ٹی آئی کی شرکت پر سوالات اٹھادیے۔
میڈیا رپورٹس کے مطابق گزشتہ روز ملتان میں نکالے جانے والے متعدد ماتمی جلوسوں کا دورہ کرنے کے بعد میڈیا سے بات کرتے ہوئے انہوں نے کہا کہ پی ٹی آئی کے ایم این ایز اپنے استعفے جمع کرانے کے بعد اسمبلی اجلاس میں شرکت نہیں کر رہے ہیں اس لیے اب انہیں ضمنی انتخابات میں حصہ لینے کا کوئی حق حاصل نہیں ہے۔
سابق وزیر خارجہ شاہ محمود قریشی پر تنقید کرتے ہوئے سابق وزیراعظم نے کہا کہ شاہ محمود قریشی اسمبلی اجلاس میں شرکت نہیں کر رہے اور اگر ان کی بیٹی مہر بانو قریشی این اے 157 میں ضمنی انتخاب جیت جاتی ہیں تو اس صورتحال میں وہ بطور ایم این اے کیسے حلف اٹھائیں گی۔
انہوں نے کہا کہ لوگ ایسے امیدوار کو ووٹ دیں گے جو قومی اسمبلی میں ان کی نمائندگی کرنے کی اہلیت رکھتا ہو نہ کہ اس امیدوار کو جس کی پارٹی استعفے جمع کرانے کے بعد اسمبلی کا بائیکاٹ کر رہی ہو۔
پی ٹی آئی کے ایم این ایز کے استعفوں کی منظوری سے متعلق سوال کا جواب دیتے ہوئے سابق وزیراعظم نے کہا کہ ان کے اراکین استعفوں کی تصدیق کے لیے اسپیکر راجا پرویز اشرف کے سامنے پیش نہیں ہوئے اور جب انہیں بلایا گیا تو انہوں نے آنے سے انکار کردیا۔
مہنگائی سے متعلق انہوں نے کہا کہ گزشتہ حکومت کا انٹرنیشنل مانیٹری فنڈ (آئی ایم ایف) کے ساتھ سخت شرائط کے تحت کیا گیا معاہدہ ملک میں مہنگائی کی بڑی وجہ ہے۔
انہوں نے کہا کہ موجودہ حکومت عالمی معاہدوں کا احترام کرنے کی پابند ہے جو کسی سیاسی جماعت کے ساتھ نہیں بلکہ ملک کے ساتھ کیے گئے تھے۔
یوسف رضا گیلانی نے کہا کہ ملک کو مضبوط بنانے کے لیے قانون اور آئین کی بالادستی ہونی چاہیے۔
ان کا کہنا تھا کہ پاکستان کی عدلیہ اور الیکشن کمیشن آزاد خود مختار ادارے ہیں جب کہ پیپلز پارٹی نے ہمیشہ عدالتی فیصلوں کا احترام کیا یہاں تک کہ انہیں منتخب وزیر اعظم ہونے کے باوجود وزارت عظمیٰ سے نااہل کیا گیا۔
انہوں نے کہا کہ پی ٹی آئی کی حکومت میں میاں محمد نواز شریف اور آصف علی زرداری سمیت مختلف سیاسی جماعتوں کے تمام سینئر رہنما جیل میں رہے۔
پی پی پی رہنما نے الزام لگایا کہ کمشنر ملتان نے این اے 157 کے ضمنی انتخاب سے قبل شدید دباؤ کی وجہ سے چھٹی کی درخواست جمع کرا دی ہے، انہوں نے الیکشن کمیشن سے اس معاملے کا نوٹس لینے کا مطالبہ بھی کیا۔
یوسف رضا گیلانی نے عوام پر زور دیا کہ وہ محرم الحرام کے دوران امن و امان کو برقرار رکھیں۔


مشہور خبریں۔
20 ملین سوڈانی افراد کو انسانی امداد کی فوری ضرورت : اقوام متحدہ
?️ 24 فروری 2026 سچ خبریں:اقوام متحدہ کے دفتر برائے رابطہ امور انسانی کے ترجمان
فروری
فلسطین کے حامی مسلمان امیدوار نیویارک کے میئر ؛ٹرمپ برھم
?️ 28 جون 2025 سچ خبریں:ڈونلڈ ٹرمپ نے نیویارک کی میئر شپ کے لیے فلسطین
جون
اسلام آباد میں خودکش دھماکہ، 12 افراد جاں بحق
?️ 12 نومبر 2025سچ خبریں: پاکستان کے دارالحکومت اسلام آباد میں ہونے والے ایک خودکش دھماکے
نومبر
فعال ٹیکس گزار نہ ہونے کی صورت میں کاروبار سیل کیا جائے گا، چیئرمین ایف بی آر
?️ 24 دسمبر 2024اسلام آباد: (سچ خبریں) وفاقی ریونیو بورڈ (ایف بی آر) کے چیئرمین
دسمبر
زہران ممدانی نیویارک کے میئر انتخابات میں کیسے جیتا ؟ 5 اہم وجوہات
?️ 5 نومبر 2025سچ خبریں: امریکی کانگریس سے منسلک ویب سائٹ دی ہل نے گزارش کیا
نومبر
عراقی عوام کا سویڈن کو سبق
?️ 20 جولائی 2023سچ خبریں: عراق میں سویڈن کے سفارت خانے پر حملہ مقدس کتابوں
جولائی
اسرائیلی فوج کی غزہ پر مسلسل بمباری
?️ 6 نومبر 2026سچ خبریں: اسرائیلی فوج نے غزہ کی پٹی کے مختلف علاقوں میں بمباری
نومبر
حزب اللہ کا صیہونی دشمن کے ٹھکانوں پر تازہ ترین میزائل حملہ
?️ 27 جنوری 2024سچ خبریں: آج صبح ذرائع ابلاغ نے اطلاع دی کہ لبنان کی
جنوری