گرفتار فلک جاوید سے تحقیقات کا باقاعدہ آغاز کردیا گیا

?️ 26 ستمبر 2025

اسلام آباد (سچ خبریں) سوشل میڈیا کے ذریعے ریاستی اداروں کیخلاف بیانیہ بنانے کے کیس میں نیشنل سائبرکرائم انویسٹی گیشن ایجنسی نے سوشل میڈیا ایکٹوسٹ فلک جاوید سے تحقیقات کا باقاعدہ آغاز کردیا

ذرائع کے مطابق فلک جاوید سے پوچھا جائے گا یہ بیانیہ کس ایماء پر ترتیب دیا، بیانیہ ترتیب دینے کے پس پردہ کیا محرکات ہیں، فلک جاوید این سی سی آئی کو دو مقدمات میں مطلوب تھیں، گرفتاری کے بعد فلک جاوید کا ریمانڈ منظور ہوا تھا۔

دوسری جانب فلک جاوید نے 5 روزہ جسمانی ریمانڈ کو سیشن کورٹ میں چیلنج کردیا، فلک جاوید نے وکیل میاں علی اشفاق ایڈووکیٹ کی وساطت سے اپیل دائر کی، عدالت نے این سی سی آئی اے سے کل مقدمے کا ریکارڈ طلب کرلیا۔

عدالت نے مدعی مقدمہ صوبائی وزیر عظمی بخاری کو بھی نوٹس جاری کردیا، اپیل کنندہ کا کہنا ہے کہ مجسٹریٹ نے فلک جاوید کا جسمانی ریمانڈ غیرقانونی دیا، استدعا ہے کہ سیشن کورٹ جوڈیشل مجسٹریٹ کے جسمانی ریمانڈ کے فیصلے کو کالعدم قرار دے، عدالت نے کیس کی مزید سماعت کل تک ملتوی کردی۔