پی پی 289 ضمنی انتخابات کیلئے کاغذات نامزدگی جمع کرانے کا مرحلہ مکمل

?️ 12 دسمبر 2025

ڈیرہ غازی خان (سچ خبریں) پی پی 289 ضمنی انتخاب کے لیے امیدواروں نے کاغذات نامزدگی جمع کرانے کا مرحلہ مکمل کرلیا گیا ہے۔

ڈی جی خان کے ریٹرننگ افسر کے مطابق مجموعی طور پر 10 امیدواروں نے اپنے کاغذات جمع کرائے اس میں سردار دوست محمد خان کھوسہ اور اسامہ خان کھوسہ کے علاوہ انس عبدالکریم، اسامہ عبدالکریم، محمد حسین، محمد عباد خان، سید عبدالعلیم شاہ، افتخار احمد اور ظفر بشیر شامل ہیں۔ الیکشن کمیشن نے کاغذات نامزدگی کی جانچ پڑتال کا عمل شروع کردیا ہے تاکہ امیدواروں کی اہلیت اور دستاویزات کی درستگی کو تصدیق کیا جاسکے۔

اسکرٹنی کا مرحلہ مرحلہ وار جاری رہے گا اور اس دوران امیدواروں کی تفصیلات اور اعتراضات کی سماعت کی جائے گی۔ الیکشن کمیشن نے کہا ہے کہ یہ مرحلہ انتخابات کی شفافیت اور میرٹ پرمبنی عمل کو یقینی بنانے کے لئے انتہائی اہمیت رکھتا ہے۔

امیدواروں اور سیاسی جماعتوں سے کہا گیا ہے کہ وہ تمام قانونی تقاضوں اور ضوابط پر عمل کریں تاکہ ضمنی انتخاب کا عمل منظم اور باوقار انداز میں مکمل ہوسکے۔