پاکستان میں ذو الحج کا چاند نظر آگیا، عید الاضحی 7 جون کو ہوگی

?️ 28 مئی 2025

لاہور (سچ خبریں) پاکستان میں بھی ذوالحج کا چاند نظر آگیا، عیدالاضحی 7 جون بروز ہفتہ کو منائی جائے گی۔

تفصیلات کے مطابق لاہور سمیت ملک بھر کے مختلف شہروں میں ذوالحج 1446 ہجری کا چاند دیکھا گیا، یکم ذی الحج 29 مئی بروز جمعرات ہوگی جبکہ عید الاضحی 7 جون بروز ہفتہ کو منائی جائے گی۔

قبل ازیں چیئرمین مولانا عبدالخبیرآزاد کی زیرِ صدارت مرکزی رویت ہلال کمیٹی کا اجلاس گزشتہ روز کوئٹہ میں ہوا تھا، اجلاس کے اختتام کے بعد پریس کانفرنس میں چیئرمین مولانا عبدالخبیرآزاد نے اعلان کیا تھا کہ ملک بھر میں کہیں بھی ذی الحج کا چاند نظر نہیں آیا۔

مولاناعبدالخبیرآزاد نے کہا تھا کہ متفقہ طور پر فیصلہ کیا گیا یکم ذی الحج 29 مئی جمعرات اور عید الاضحی 7 جون بروز ہفتہ ہوگی۔