ن لیگ عمران خان کا کچھ بگاڑ نہیں سکتی:  شیخ رشید

?️ 25 جون 2021

لاہور (سچ خبریں) وفاقی وزیر داخلہ شیخ رشیدنے اپوزیشن پر شدید تنقید کرتے ہوئے  کہا ہے کہ ن لیگ عمران خان کا کچھ بگاڑ نہیں سکتی اس کی دکان اب ختم ہوگئی ہے ، شکست ن لیگ کا مقدر ہے۔اپوزیشن بچ نہیں سکتی اسے قانون کے شکنجے میں ضرور آنا ہے۔

تفصیلات کے مطابق وفاقی وزیر داخلہ شیخ رشید نے گفتگو کرتے ہوئے کہا کہ ن لیگ کی دکان اب ختم ہوگئی ہے، سیکیورٹی چاہیےتوایف سی، رینجرز یاکوسٹ گارڈ چاہیے تو بتائیں، ن لیگ والے ہم سے کیا سیکیورٹی چاہیں گے۔

شیخ رشید کا کہنا تھا کہ شکست ن لیگ کا مقدر ہے،عمران خان کایہ کچھ نہیں بگاڑسکتے، میرا خیال ہے زرداری کو پنجاب میں کام کرناچاہیےیہ اچھی بات ہے، اپوزیشن جماعتیں کہتی تھیں کہ 30 دسمبر حکومت کی آخری تاریخ ہے۔

وفاقی وزیر نے سوال کیا کیا اپوزیشن نے ابھی تک کوئی ایک ریلی حکومت کیخلاف نکالی؟ اپوزیشن میڈیامیڈیا کھیلتی رہے گی اور حکومتی ترجمان اپوزیشن کو جواب دیتے رہیں گے۔ان کا کہنا تھا کہ یہ بچ نہیں سکتےانہیں قانون کےشکنجےمیں آنا ہے اور جو ملک میں مہنگائی ہے اوراسے ختم کرنا ہے۔

دوسری جانب وزیراعلیٰ پنجاب عثمان بزدار کا کہنا ہے کہ دنیا بدل گئی، ناکام ترین اپوزیشن کی رتی بھر منفی روش نہ بدلی، پوری اپوزیشن نے پہلے دن سے سارا زور حکومت کی مخالفت میں لگایا، اللہ تعالی کے فضل و کرم اور عوام کی حمایت سے اپوزیشن کو ہر موقع پر ناکامی کا سامنا کرنا پڑا۔

ایک بیان میں وزیراعلیٰ پنجاب کا کہنا تھا کہ الزامات برائے الزامات کی سیاست کر کے اپوزیشن نے اپنی لٹیا ڈبو دی ہے، پوری اپوزیشن کا مستقبل تاریک ہو چکا ہے۔انہوں نے کہاکہ عوام مسترد شدہ ٹولے کو ہمیشہ کیلئے رد کر چکے ہیں، کرپٹ عناصر کا کوئی سیاسی مستقبل نہیں۔ان کا کہنا تھا کہ نیا پاکستان بن رہا ہے اور بن کر رہے گا، کرپٹ مافیا کے خلاف جنگ، پاکستان کی بقاء کی جنگ ہے، اس جنگ میں آخری فتح پاکستان کی ہوگی۔