مشترکہ مفادات کونسل کے اجلاس میں  اہم فیصلہ متوقع

?️ 12 اپریل 2021

اسلام آباد (سچ خبریں) وزیراعظم عمران خان کی زیرصدارت مشترکہ مفادات کونسل کا آج اجلاس ہو رہا ہے جس میں مردم شماری کے نتائج پر اہم فیصلہ متوقع ہے،پیپلزپارٹی  نے مشترکہ مفادات کونسل میں مردم شماری کی منظوری کی مخالفت کا فیصلہ کیا ہے۔

تفصیلات کے مطابق  وزیراعظم عمران خان کی زیرصدارت مشترکہ مفادات کونسل کا اجلاس آج دوبارہ ہوگا، چاروں صوبوں کے وزرائے اعلیٰ ویڈیو لنک پر اجلاس میں شریک ہوں گے، مشاورت کے بعد مردم شماری کے نتائج جاری کرنے سے متعلق حتمی فیصلہ کیا جائے گا۔

دوسر ی جانب ایم کیوایم نےکراچی مردم شماری پرپی ٹی آئی حکومت سےسمجھوتہ کرلیا ہے ، ایم کیوایم نےکراچی کی مردم شماری کےنتائج پرتحفظات کااظہارکیاتھا۔ذرائع  کا کہنا ہے کہ ایم کیوایم کےوزیرپرمشتمل وفاقی کابینہ نےمردم شماری کی منظوری دے دی ہے ، اس سے قبل علی زیدی کی سربراہی میں کابینہ کی خصوصی کمیٹی پہلےہی منظوری دےچکی  اور خصوصی کمیٹی کےرکن امین الحق بھی مردم شماری نتائج کی منظوری دےچکےہیں۔

ذرائع کے مطابق  پیپلزپارٹی  نے مشترکہ مفادات کونسل میں مردم شماری کی منظوری کی مخالفت کا فیصلہ کیا ہے۔گزشتہ اجلاس میں مردم شماری نتائج پرحتمی فیصلے کے لیے دوبارہ اجلاس بلانے کا فیصلہ ہوا تھا، پنجاب اور خیبرپختونخوا حکومت مردم شماری نتائج جاری کرنے کے حامی ہیں جبکہ  سندھ حکومت نے مردم شماری نتائج کو آئندہ مردم شماری سے منسلک کرنے کی تجویز دی اور وزیراعلیٰ بلوچستان نے معاملے پر مشاورت کے لیے وقت مانگا تھا۔