مریم نواز نوجوان نسل کی پسندیدہ لیڈر بن گئی ہیں۔ عظمی بخاری

?️ 24 مئی 2025

لاہور (سچ خبریں) وزیر اطلاعات پنجاب عظمی بخاری نے کہا ہے کہ مریم نواز نوجوان نسل کی پسندیدہ لیڈر کے طور پر ابھر کر سامنے آئی ہیں۔

تفصیلات کے مطابق عظمی بخاری نے کہا ہے کہ حالیہ دنوں میں الیکٹرک بائیکس، اسکالرشپس اور لیپ ٹاپ کی تقسیم کی تقریبات میں نوجوانوں کا جوش و خروش اس حقیقت کا عملی مظہر ہے۔ مریم نواز نے صرف وعدے نہیں کیے بلکہ عملی اقدامات کے ذریعے نوجوانوں کے دل جیتے ہیں۔ ملک کا نوجوان طبقہ اب جلاؤ گھیراؤ اور تشدد کی سیاست سے تنگ آ چکا ہے اور مثبت سمت میں تبدیلی کا خواہاں ہے۔انہوں نے ان عناصر پر کڑی تنقید کی جو نوجوانوں کی ذہن سازی کرکے انہیں اپنے مذموم سیاسی مقاصد کے لیے استعمال کرتے رہے ہیں۔ایسے لوگ دراصل یوتھ کے اصل دشمن ہیں۔

ذرائع کے مطابق عظمی بخاری کا مزید کہنا تھا کہ پاکستان کا مستقبل نوجوانوں سے وابستہ ہے، اور ان کے ہاتھوں میں قوم کی تقدیر ہے۔ مریم نواز نے نوجوانوں کو کیلوں والے ڈنڈے نہیں بلکہ لیپ ٹاپ تھمائے ہیں۔ مریم نواز نے نوجوانوں سے کیے گئے تمام وعدے پورے کیے ہیں اور یوتھ کے وہ نام نہاد دعویدار جنہوں نے صرف انتشار پھیلایا، بے نقاب ہوچکے ہیں۔

انہوں نے کہا کہ پنجاب اس وقت پورے ملک میں ترقی، خوشحالی اور بہتر گورننس کے حوالے سے سب سے آگے ہے، جو کہ مریم نواز کی میرٹ، شفافیت اور گڈ گورننس پر مبنی پالیسیوں کا عملی ثبوت ہے۔