عمران خان نے توشہ خانہ کے تحفے بیچ کر 3 نسلوں کی جائیدادیں بنا لیں: مریم نواز

?️

لاہور: (سچ خبریں) مسلم لیگ (ن) کی چیف آرگنائزر مریم نواز نے کہا ہے کہ فواد چودھری گھڑی کے حوالے سے ڈھٹائی سے جھوٹ بول رہا ہے، ان کے بکاؤ صحافی بھی جھوٹ بول رہے ہیں۔

لاہور میں تقریب سے خطاب کرتے ہوئے مریم نواز نے کہا کہ چاہتی ہوں یوتھ پاکستان کے کام آئے اور پاکستان آگے بڑھے، میں نے لاہور کالج سے ایف ایس سی کی تھی، نوجوانوں کو سمت دکھانا لیڈر شپ کا کام ہے، پاکستان کو بیرونی تھریٹ نہیں ہے، پاکستان کو اندرونی تھریٹ ہے، جب ملک کی بات آئے گی تو اس پر کوئی سمجھوتہ نہیں ہوگا، آج کل سب کچھ آئی ٹی کی بنیاد پر ہے۔

مسلم لیگ (ن) کی چیف آرگنائزر مریم نواز نے مزید کہا کہ ہم نے ٹیوٹا کے ساتھ مل کر نوجوانوں کو ٹیکنیکل ٹریننگ کروائیں، ہم نے بچوں کو یوتھ لون دیئے، جماعتوں کو صرف یوتھ کا نعرہ نہیں لگانا چاہیے، پارلیمنٹ میں بھی یوتھ کی بڑی تعداد ہونی چاہیے، کہیں یہ بات نہیں ہو رہی کہ یوتھ کیلئے کیا کرنا ہے، بنگلا دیش کہاں نکل گیا اور ہم کہاں بیٹھے ہیں۔

مریم نواز نے کہا کہ خود گھر میں چھپ کر بیٹھے ہیں اور مار کھانے کیلئے بچوں کو سڑکوں پر چھوڑا ہوا ہے، عمران خان کہتے ہیں مریم نواز کو الیکشن مہم کی آزادی ہے مجھے نہیں، مریم کو یہ آزادی پلیٹ میں رکھ کر نہیں دی گئی، 4 سال جن حالات کا ہم نے سامنا کیا ان کو تو کسی نے انگلی بھی نہیں لگائی، عمران خان کی حکومت میں میرا ملتان میں جلسہ تھا، انہوں نے جلسہ نہیں کرنے دیا۔

انہوں نے مزید کہا کہ مجھے گاڑی پر کھڑے ہو کر جلسہ کرنا پڑا، آج کہتے ہیں مریم نواز کو آزادی ہے، تمہیں کس نے کہا ہے کہ بیڈ کے نیچے چھپ جاؤ؟، نواز شریف صاحب نے قوم کے کسی بچے کو جیل میں نہیں ڈالا، وہ اپنی بیٹی کا ہاتھ پکڑ کر جیل گئے، ظل شاہ کی ماں نے کہا عمران خان کے اپنے بچے تو باہر بیٹھے ہیں، میرا بیٹا مروا دیا، وہ ظل شاہ کے گھر تک نہیں گئے۔

مسلم لیگ (ن) کی رہنما نے کہا کہ قوم کا جو بیٹا شہید ہوا آپ کے دل میں اس کی عزت یہ تھی؟، پی ٹی آئی کارکن کی گاڑی میں ظل شاہ کو ہسپتال پھینک گئے، ان کو پتہ تھا اس کا ایکسیڈنٹ ہوا، ان کو سچائی کا پتہ تھا انہوں نے سچائی چھپائی، لیڈر یہ نہیں کہتا کہ چیک کرو باہر پولیس بیٹھی ہے یا نہیں، ظل شاہ باہر بیٹھا رہا اس نے کبھی اس کو منہ نہیں لگایا، اب اس کی لاش پر سیاست کر رہا ہے۔

مریم نواز نے کہا کہ سائفر پر کھیلنے کا مطلب پاکستان کی تقدیر کے ساتھ کھیلنا ہے، ایبسولوٹی ناٹ کا سبق پڑھا کر ایبسولوٹلی یس کرتے ہوئے نکل گئے، مجھے 100 فیصد یقین ہے اس کو پاکستان کو خراب کرنے کیلئے لانچ کیا گیا ہے، جو تم نے 4 سال ملک کے ساتھ کیا تمہیں کوئی کیوں دوبارہ وزیر اعظم بنائے، شہباز شریف حکومت نے توشہ خانہ کا ریکارڈ پبلک کر دیا ہے۔

انہوں نے مزید کہا کہ تحفے توشہ خانہ میں جمع کرانے کے بجائے گھر لے گیا، میں کہتی ہوں اس پر پاکستان میں بین لگنا چاہیے، جو لیڈر ہوتے ہیں فرنٹ پر لیڈ کرتے ہیں، نواز شریف نے ایٹمی دھماکے کر کے دشمن کو منہ توڑ جواب دیا، انہوں نے بل کلنٹن کو انکار کر کے دھماکے کیے، اس وقت اگر یہ گیدڑ وزیر اعظم ہوتا تو کہتا بل کلنٹن کا فون بند ہوا ہے یا نہیں۔

مسلم لیگ (ن) کی رہنما نے مزید کہا کہ ملک کو اس وقت نواز شریف کی ضرورت ہے، وہ 3 دفعہ وزیر اعظم بنے، نواز شریف دور میں ملک کی گروتھ میں اضافہ ہوا، وہ گئے تو ملک نیچے کی طرف گیا، عدالت بلائے تو ٹانگ ٹوٹی اور جلسے کیلئے ہر وقت تیار ہوتا ہے، توشہ خانہ کی لسٹ میں مجھ پر گھڑی لینے کا جھوٹا الزام لگایا، اسی وقت میں نے ایف آئی اے، پیمرا کو جھوٹا الزام بھیجا۔

مریم نواز نے کہا کہ میرے نام پر گھڑی نہیں ایک پائن اپیل ہے، میرے خلاف اگر ایک پائن ایپل ملا ہے تو ڈوب کر مر جانا چاہیے، ایک طرف پائن ایپل، دوسری طرف 5 کیرٹ ہیرے کی انگوٹھی، عمران خان نے توشہ خانہ کے تحفے بیچ کر 3 نسلوں کی جائیدادیں بنالیں، مجھ پر جھوٹا الزام لگایا گیا، 5 ماہ جیل رہی، عدالت نے جھوٹے کیس کو اٹھا کر باہر پھینکا۔

مشہور خبریں۔

ٹرمپ کے غیر مستحکم رویے پر ہیریس کی تنقید

?️ 17 اکتوبر 2024سچ خبریں: ایک بیان میں، کملا ہیرس کی مہم نے بلومبرگ نیٹ

عراقی وزیر اعظم نے اسلامی ممالک کے درمیان سیاسی اور سیکورٹی اتحاد کی تشکیل پر زور دیا

?️ 14 ستمبر 2025سچ خبریں: عراقی وزیراعظم نے پریس کانفرنس میں علاقے میں صیہونی حکومت

پاکستان مشکلات میں ہمیشہ افغان عوام کے ساتھ کھڑا ہے

?️ 12 نومبر 2021اسلام آباد(سچ خبریں) وزیر اعظم عمران خان نے قائم مقام افغان وزیر

اقوام متحدہ کی نظر میں غزہ کی پٹی میں قتل و غارت گری کی حد

?️ 27 مارچ 2024سچ خبریں: اقوام متحدہ کے سکریٹری جنرل نے صیہونی حکومت کے ہاتھوں

عمران خان کی ہدایت کے بعد اداروں کے خلاف ٹرینڈز میں کمی

?️ 23 اپریل 2022اسلام آباد(سچ خبریں)سماجی رابطوں کی ویب سائٹس پر اداروں، خصوصاً فوج کے

مقاومت کس طرح خطے کا کمپاس بن گئی؟ / صہیونی منصوبے کی تباہی پہلے سے کہیں زیادہ

?️ 2 اکتوبر 2021سچ خبریں:  اس حقیقت کے بارے میں کہا جاتا ہے کہ یہ

محمد بن سلمان انسانی حقوق کی خلاف ورزی کرنے والوں میں سر فہرست

?️ 27 نومبر 2021سچ خبریں:انسانی حقوق کے مطالعہ کے ایک ادارے نے سعودی ولی عہد

مزاحمتی فورسز کا مقبوضہ فلسطین پر زبردست میزائل حملہ

?️ 2 مئی 2023سچ خبریں:صیہونی حکومت کی جیل میں جہاد اسلامی تحریک کے ایک سینئر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے