صوابی میں ریسکیو آپریشن مکمل، جاں بحق افراد کی تعداد 41 ہوگئی

?️ 20 اگست 2025

صوابی (سچ خبریں) کمشنر مردان نثار احمد نے کہا کہ صوابی میں ریسکیو آپریشن مکمل کر لیا گیا، مزید 2 لاشیں نکال لی گئی ہیں، جاں بحق افراد کی تعداد 41 ہے۔

کمشنر مردان ڈویژن نے کہا کہ تمام لاپتہ افراد کی لاشیں نکال لی گئی ہیں، ریسکیو آپریشن کے ساتھ ساتھ ریلیف آپریشن بھی جاری رہا۔

نثار احمد کا کہنا تھا کہ جاں بحق افراد کے لواحقین کو 20 ، 20 لاکھ روپے کی امداد دی جائے گی، متاثرین کو گھروں کی تعمیر کے لیے مالی امداد فراہم کی جائے گی۔

کمشنر مردان ڈویژن نے کہا کہ وزیراعلی خیبرپختونخوا علی امین گنڈا پور وقتاً فوقتاً ریسکیو آپریشن کی معلومات لیتے رہے۔