?️
کوالا لمپور: (سچ خبریں) وزیراعظم محمد شہباز شریف کا کہنا ہے کہ پاکستان اور ملائیشیاء کے درمیان اقتصادی اور تجارتی شعبوں میں تعاون بڑھانے کی بہت گنجائش ہے، حکومت پاکستان سرمایہ کاری میں سہولت کے لیے اصلاحات پر توجہ مرکوز کیے ہوئے ہے، آئی ٹی، ٹیک اور اے آئی کے شعبوں میں وسیع استعداد کو مدنظر رکھتے ہوئے متعلقہ بین الاقوامی بزنس گروپس اور سرمایہ کاروں کا خیر مقدم کریں گے۔
وزیراعظم آفس کے میڈیا ونگ سے جاری بیان کے مطابق انہوں نے ان خیالات کا اظہار ملائیشیاء کے بزنس گروپ گوبی پارٹنرز کے وفد سے گفتگو کرتے ہوئے کیا، جس نے گوبی پارٹنرز کے کو فاؤنڈر اور چیئر تھامس ساؤ کی سربراہی میں ان سے ملاقات کی، ملاقات میں نائب وزیراعظم و وزیر خارجہ اسحاق ڈار، وفاقی وزیر تجارت جام کمال خان، وفاقی وزیر برائے قومی غذائی تحفظ و تحقیق رانا تنویر حسین، وفاقی وزیر اطلاعات و نشریات عطاء اللہ تارڑ، وزیراعظم کے معاون خصوصی طارق فاطمی اور متعلقہ اعلیٰ سرکاری افسران بھی موجود تھے۔
بتایا گیا ہے کہ ملاقات کے دوران گوبی پارٹنرز کے وفد نے پاکستان میں ای کامرس اور فنانشل ٹیکنالوجیز کے شعبے میں اشتراک میں گہری دلچسپی کا اظہار کیا، جس پر وزیر اعظم نے کہا کہ پاکستان اور ملائیشیاء کے درمیان اقتصادی اور تجارتی شعبوں میں تعاون بڑھانے کی بہت استعداد موجود ہے جس کے لیے دونوں فریقین بھرپور کام کر رہے ہیں، دونوں ممالک کی درمیان بزنس ٹو بزنس روابط بڑھانے کے حوالے سے گزشتہ روز پاکستان ملائیشیابزنس اینڈ انویسٹمنٹ کانفرنس کا انعقاد انتہائی خوش آئند ہے۔
ان کا کہنا ہے کہ ہم کاروبار کے لیے دوستانہ ماحول بنانے اور کاروبار کرنے میں آسانی کو بہتر بنانے کے لیے پرعزم ہیں، خصوصی سرمایہ کاری سہولت کونسل بیرونی سرمایہ کاروں کو ہر قسم کی سہولیات کی فراہمی کے لیے کوشاں ہے، پاکستان کے سٹارٹ اپ ایکو سسٹم پر گوبی پارٹنرز کا اعتماد خوش آئند ہے، حکومت پاکستان سرمایہ کاری سہولت اور بنیادی ڈھانچے تک بہتر رسائی کے ذریعے سٹارٹ اپس اور ابتدائی مرحلے کے سرمایہ کاروں کی مدد کے لیے مرکوز اصلاحات پر کام کر رہی ہے۔
شہبازشریف نے کہا کہ ایک پائیدار سٹارٹ اپ ماحولیاتی نظام کی تعمیر کے لیے بین الاقوامی اور ملکی سرمایہ کو راغب کرنا ہماری ترجیح ہے، ڈیجیٹل معیشت خاص طور پر فن ٹیک، ای کامرس اور آئی ٹی خدمات ہماری قومی ترقی کی حکمت عملی میں مرکزی حیثیت رکھتی ہے، ہم پاکستان کے آئی ٹی، ٹیک اور اے آئی کے شعبوں میں وسیع استعداد کو مدنظر رکھتے ہوئے متعلقہ بین الاقوامی بزنس گروپس اور سرمایہ کاروں کا خیر مقدم کریں گے۔


مشہور خبریں۔
فلسطینی مزاحمتی تحریک کی ایک اور کامیابی؛صیہونی فلیگ مارچ منسوخ
?️ 8 جون 2021سچ خبریں:صہیونی دائیں بازوں کے فلیگ مارچ کے انعقاد کے اصرار کے
جون
وفاقی وزیر داخلہ کی عراقی سفیر حامدعباس لفطاہ سے ملاقات
?️ 23 ستمبر 2022 اسلام آباد:(سچ خبریں)وفاقی وزیر داخلہ رانا ثناء اللہ اور پاکستان میں
ستمبر
امریکہ جبری ہجرت کو قانونی حیثیت دینا چاہتا ہے: الحوثی
?️ 18 اپریل 2025سچ خبریں: یمن کی انصاراللہ تحریک کے سربراہ عبدالمالک بدرالدین نے اپنی ہفتہ
اپریل
ٹرک ڈرئیور نے سائیکل سواروں کو کچل دیا
?️ 20 جون 2021سچ خبریں:امریکی ریاست ایریزونا پولیس کا کہنا ہے کہ ایک ٹرک ڈرائیور
جون
حزب اللہ کے ڈرون اسرائیلی فوج کے لیے ایک ڈراؤنا خواب
?️ 20 اپریل 2026 سچ خبریں:ایک صیہونی ریاست کے فوجی کمانڈر نے اعتراف کیا ہے
اپریل
فرانس کے بلڈ بینک پر سائبر حملہ
?️ 7 نومبر 2026سچ خبریں:فرانس کے قومی ادارۂ خون کے پلازما ذخیرہ کرنے والے فریزرز
نومبر
بین الاقوامی اتحاد ستمبر 2026 تک عراق چھوڑ دے گا: عراقی وزیر اعظم
?️ 4 نومبر 2025سچ خبریں:عراق کے وزیر اعظم محمد شیاع سوڈانی نے اعلان کیا ہے
نومبر
صہیونی دشمن کا مقابلہ کرنے میں ایک لمحہ بھی شک نہیں کریں گے: جہاد اسلامی کے سکریٹری جنرل
?️ 16 ستمبر 2021سچ خبریں:فلسطینی مزاحمتی تحریک جہاد اسلامی کے سکریٹری جنرل نے فلسطینی قیدیوں
ستمبر