سائنو ویک ویکسین کی مزید کھیپ پاکستان پہنچے گی

?️ 3 جولائی 2021

اسلام آباد (سچ خبریں) چینی کورونا ویکسین سائنو ویک کی بھاری کھیپ پاکستان پہنچنے کیلئے تیار ہے، پاکستان نےسائنوویک کی 20 لاکھ ڈوز چینی کمپنی سےخریدی ہے، سائنو ویک ویکسین کی 20 لاکھ ڈوز 5 جولائی کو اسلام آباد پہنچیں گی، مختلف صوبوں میں اس کی ویکسینیشن کا پلان تیار کیا گیا ہے۔

تفصیلات کے مطابق چین سےکورونا ویکسین کھیپ 5 جولائی کو پاکستان پہنچے گی، ذرائع کا کہنا ہے کہ چین سےسائنو ویک ویکسین کی 20 لاکھ ڈوزاسلام آباد لائی جائے گی۔پی آئی اےکاطیارہ کورونا ویکسین کی کھیپ لیکراسلام آبادپہنچےگا۔

پاکستان نےسائنوویک کی 20 لاکھ ڈوزچینی کمپنی سےخریدی ہے، صوبوں کوسائنو ویک ویکسین کی تقسیم کاپلان تیار کرلیا گیا ہے۔یاد رہے امریکا کی جانب سے عطیہ کردہ موڈرنا ویکسین کی کھیپ پاکستان پہنچی تھی ، عطیہ امریکہ کی جانب سے دنیا بھر میں 8 کروڑ خوراکیں تقسیم کرنے کی کوشش کا حصہ ہے۔

واضح رہے کہ عالمی وباء کورونا وائرس میں چین نے پاکستان کے ساتھ کافی تعاون کیا ہے۔ اس سے قبل 29 جون پی آئی اے کا طیارہ چین سے سائینو ویک ویکسین کی 30 لاکھ ڈوز لے کر اسلام آباد پہنچا تھا، ذرائع کے مطابق آئندہ ماہ چین سےکین سائینو اور سائینوفارم ویکسین لائی جائےگی، پاکستان نےچین سےسائینوفارم ویکسین کی 2 کروڑ 30 لاکھ ڈوز خریدی ہیں جبکہ پاکستان کو آئندہ ماہ کوویکس سے کورونا ویکسین کی کھیپ ملیں گی۔