?️
اسلام آباد:(سچ خبریں) قومی اسمبلی کی مدت 2 ہفتوں سے بھی کم وقت میں ختم ہونے کا امکان ہے تاہم نگران وزیراعظم کے تقرر کا عمل جلد شروع کرنے کے لیے تیار حکومت کی مسلسل خاموشی کے سبب نگران سیٹ اپ کی تشکیل کے بارے میں قیاس آرائیاں عروج پر پہنچ چکی ہیں۔
وزیر اطلاعات مریم اورنگزیب نے گزشتہ روز ایک بیان میں کہا کہ نگران وزیر اعظم کا تقرر آئین کے مطابق کیا جائے گا، تاہم انہوں نے یہ نہیں بتایا کہ یہ عمل کب شروع کیا جائے گا۔
انہوں نے اپنی ٹوئٹ میں کہا کہ وزیر اعظم شہباز شریف نے نگران وزیر اعظم کے لیے کسی امیدوار کا نام منتخب یا مسترد نہیں کیا، اتحادی جماعتوں اور سربراہ مسلم لیگ (ن) نواز شریف سے مشاورت کے بعد فیصلہ کیا جائے گا۔
انہوں نے کہا کہ وزیر اعظم سب سے موزوں امیدوار کے انتخاب کے لیے حکومت میں شامل تمام اتحادی جماعتوں سے مشورہ کریں گے اور نواز شریف سے رہنمائی حاصل کریں گے۔
وزیر اطلاعات نے بتایا کہ اتحادیوں سے مشاورت کے بعد وزیراعظم اس معاملے پر فیصلہ کرنے کے لیے قومی اسمبلی میں قائد حزب اختلاف سے مشاورت کریں گے۔
باجوڑ میں اتوار کو ہونے والے دھماکے میں جے یو آئی (ف) کے سیکڑوں کارکنوں کی ہلاکت کے بعد سیاسی صورتحال کا جائزہ لینے کے لیے گزشتہ روز وزیر اعظم شہباز شریف اور مولانا فضل الرحمٰن نے ملاقات کی۔
ذرائع نے بتایا کہ وزیر اعظم نے مولانا فضل الرحمٰن کے ساتھ نگران سیٹ اپ کے بارے میں تبادلہ خیال کیا، وزیر اعظم آفس سے جاری بیان میں کہا گیا کہ وزیر اعظم نے جے یو آئی (ف) کے 50 سے زائد کارکنوں اور حامیوں کی موت پر تعزیت کا اظہار کیا۔
وزیراعظم کی ایسی ہی ایک اور ملاقات عوامی نیشنل پارٹی کے سربراہ ایمل ولی خان سے بھی ہوئی، یاد رہے کہ نگران حکومت کے معاملے پر وزیر اعظم پہلے ہی پیپلز پارٹی کے رہنماؤں بلاول بھٹو زرداری اور آصف علی زرداری، ایم کیو ایم کے کنوینر خالد مقبول صدیقی اور جمہوری وطن پارٹی (جے ڈبلیو پی) کے صدر شاہ زین بگٹی سے ملاقات کر چکے ہیں۔
قومی اسمبلی میں اپوزیشن لیڈر راجا ریاض اور وزیراعظم کے درمیان رواں ہفتے ملاقات متوقع ہے، راجا ریاض نے گزشتہ ہفتے کہا تھا کہ وزیراعظم سے میری ملاقات یکم اگست کے آس پاس متوقع ہے جس میں ہم نگران وزیراعظم کے لیے ناموں کا تبادلہ کریں گے۔
یہ امکان بھی ظاہر کیا جا رہا ہے کہ وزیر اعظم اور حکمران اتحاد کی جانب سے حتمی امیدوار کے نام پر اپوزیشن لیڈر اعتراض نہیں کریں گے، گزشتہ کئی روز سے متعدد نام زیرِگردش ہیں لیکن اس حوالے سے کوئی سرکاری یا غیر سرکاری بیان سامنے نہیں آیا۔
اس حوالے سے وزیراطلاعات مریم اورنگزیب سے رابطہ کرنے کی متعدد کوششیں کی گئیں تاہم وہ دستیاب نہیں ہوسکیں۔
پیپلز پارٹی کے مرکزی سیکریٹری اطلاعات اور وزیر مملکت برائے تخفیف غربت و سماجی تحفظ فیصل کریم کنڈی نے کہا کہ اب تک وزیر اعظم نے شہباز شریف نے نگران وزیر اعظم کے لیے کوئی نام پیپلزپارٹی کے ساتھ شیئر نہیں کیا۔
انہوں نے کہا کہ پیپلزپارٹی کی سینٹرل ایگزیکٹو کمیٹی کا اجلاس آج (منگل) کو ہوگا جس میں پارٹی قیادت کی جانب سے تجویز کیے جانے والے ناموں کا فیصلہ کیا جائے گا، جس کے بعد پیپلز پارٹی کا ایک وفد وزیر اعظم سے ملاقات کرے گا۔
گزشتہ ماہ وزیر خزانہ اسحٰق ڈار کو نگران وزیراعظم بنانے کی تجویز سامنے آئی تھی، تاہم اتحادی جماعتوں اور حزب اختلاف نے ان قیاس آرائیوں پر سخت رد عمل کا اظہار کیا، جس کے نتیجے میں شہباز شریف کو نگران وزیر اعظم کے عہدے کے لیے کسی ’جانبدار‘ امیدوار کے انتخاب کی تردید کرنی پڑی۔
وزیر اعظم نے ایک حالیہ انٹرویو میں کہا کہ کسی غیر جانبدار شخص کو نگران وزیر اعظم بنایا جائے گا تاکہ انتخابی عمل کی شفافیت پر کوئی انگلی نہ اٹھا سکے۔
انہوں نے کہا تھا کہ تاحال انہوں نے نگران وزیر اعظم کے لیے کسی کو نامزد نہیں کیا اور وہ اتفاق رائے کے لیے قومی اسمبلی کے اپوزیشن لیڈر سے ملاقات سے قبل اس معاملے پر تمام اتحادی جماعتوں اور سربراہ مسلم لیگ (ن) نواز شریف سے مشاورت کریں گے۔
مشہور خبریں۔
سعودی بادشاہ کی قابل اعتراض غیر موجودگی، کیا شاہ سلمان بیمار ہیں؟
?️ 18 دسمبر 2021سچ خبریں: سعودی بادشاہ کی طویل غیر حاضری اور مختلف مواقع پر
دسمبر
نیتن یاہو نے ان 4 وجوہات کی بنا پر جنگ بندی کو قبول کیا
?️ 29 نومبر 2024سچ خبریں: عطوان نے رائی الیوم نیوز سائٹ پر لکھا کہ نیتن یاہو،
نومبر
ایون فیلڈ کیس میں بریت کے بعد نواز شریف کے ’لاڈلہ‘ ہونے میں کیا کوئی شک رہ گیا؟ پرویز الہٰی
?️ 30 نومبر 2023اسلامآباد:(سچ خبریں) پاکستان تحریک انصاف کے مرکزی صدر چوہدری پرویز الہٰی نے
نومبر
سینے میں بہت راز دفن ہیں لیکن یہ وقت مناسب نہیں، عثمان بزدار کا پرویز الہٰی کے بیان پر ردعمل
?️ 19 دسمبر 2022اسلام آباد:(سچ خبریں) سابق وزیر اعلیٰ پنجاب اور تحریک انصاف کے رہنما
دسمبر
حکومت نے جہانگیر خان ترین گروپ کے ردِعمل کا سامنا کرنے کا فیصلہ کیا
?️ 24 مئی 2021اسلام آباد(سچ خبریں) مقامی ذرائع ابلاغ کی رپورٹ کے مطابق وزیر اعظم عمران
مئی
جب بہن کو بھائی سے جائیداد میں حصہ دلوانے کے لیے ہندو جج نے قرآن کی آیت کا حوالہ دیا
?️ 23 دسمبر 2024 سرینگر: (سچ خبریں) مقبوضہ کشمیر کے رہائشی محمد یوسف بٹ جائیداد
دسمبر
پاکستان میں گاڑیاں اور ٹریکٹر بنانے کی فیکٹری لگانے پر غور کر رہے ہیں، وزیر خارجہ بیلاروس
?️ 31 مئی 2023اسلام آباد:(سچ خبریں) بیلاروس کے وزیر خارجہ نے کہا ہے کہ ان
مئی
غزہ میں جنگ بندی کی تازہ ترین صورتحال
?️ 6 جون 2024سچ خبریں: مصر اور قطر کے امریکی نمائندوں نے کل رات دوحہ میں
جون