این اے 185 میں پیپلز پارٹی اُمیدوار کو کل کے الیکشن پر تحفظات ہیں۔ شازیہ مری

?️ 25 نومبر 2025

اسلام آباد (سچ خبریں) مرکزی رہنما پیپلز پارٹی شازیہ مری نے کہا ہے کہ این اے 185 میں پیپلز پارٹی اُمیدوار کو کل کے الیکشن پر تحفظات ہیں، ان کے تحفظات پر ہماری پارٹی ان کے ساتھ کھڑی ہوگی۔

شازیہ مری نے کہا کہ دوست محمد کھوسہ نے پریس کانفرنس میں نتائج کو چیلنج کیا ہے، ہم میدان نہیں چھوڑنا چاہتے۔ انہوں نے کہا کہ ہماری کوشش ہوتی ہے کہ حالات جیسے بھی ہوں، ہمیشہ میدان میں موجود رہیں، جہاں جمہوریت ہو، وہاں انتخابات میں لیول پلئینگ فیلڈ ہونی چاہئے، میاں علمدار قریشی 2024 کے الیکشن میں کامیاب ہوئے تھے۔

انہوں نے مزید کہا کہ الزامات لگانے پر میاں علمدار قریشی نے استعفیٰ دیا، وہ آج 11 ہزار لیڈ سے الیکشن جیتے ہیں، انہوں نے 2024 میں بھی پیپلزپارٹی کے ٹکٹ پر الیکشن لڑا اور آج بھی۔

الیکشن کمیشن ایک آزاد ادارہ ہے اور آزادنہ طریقے سے کام کرنا چاہئے اس میں کوئی شک نہیں کہ مسلم لیگ ن کے پاس اکثریت ہے، مسلم لیگ ن کے پاس ابھی بھی دوتہائی اکثریت نہیں۔

حکومت کی تشکیل کے وقت ن لیگ کیساتھ معاہدہ طے پایا تھا، جو معاہدہ ہوا تھا اس پر مکمل طور پر عملدآمد نہیں ہوا، ہم آج بھی وفاقی حکومت کو سپورٹ کررہے ہیں، کچھ اخلاقی قدریں ہوتی ہیں، صرف نمبرز پر نہیں جاتے۔