?️
اسلام آباد: (سچ خبریں) ایشیائی ترقیاتی بینک (اے ڈی بی) نے پاکستان میں ریکوڈک منصوبے کے لیے 41 کروڑ ڈالر کے مالیاتی پیکیج کی منظوری دے دی، پیکج کے تحت بینک کی جانب سے ریکوڈک مائننگ کمپنی کو 30 کروڑ ڈالر تک قرضہ فراہم کیا جائے گا، جب کہ بلوچستان حکومت کو ایکویٹی کی مد میں 11 کروڑ ڈالر کریڈٹ گارنٹی بھی دی جائے گی۔
ڈان نیوز کے مطابق حکام کا کہنا ہے کہ یہ قرضے اور مالیاتی ضمانت ریکو ڈک منصوبے کی ترقی میں مدد فراہم کرے گی، جس سے 2028 سے تانبا اور سونا پیدا ہونے کی توقع ہے، یہ اقدام ملک کے معدنی شعبے میں غیر ملکی سرمایہ کاری کو راغب کرنے کے لیے اہم سنگِ میل ثابت ہوگا۔
ایشیائی ترقیاتی بینک کی جانب سے جاری اعلامیے کے مطابق ریکوڈک کاپر، گولڈ مائن منصوبے کے لیے فنانسنگ پاکستانی تاریخ میں سب سے بڑی براہ راست سرمایہ کاری ہوگی، منصوبہ مکمل ہونے پر ریکوڈک دنیا کی پانچویں بڑی کاپر مائن ہوگی۔
اعلامیے کے مطابق پہلے مرحلے میں مائن سے اوسط سالانہ 8 لاکھ ٹن تانبے کی پیداوار متوقع ہے، ایشیائ ترقیاتی بینک کا کہنا ہے کہ ریکوڈک کاپر گولڈ مائن منصوبہ پاکستانی معیشت میں اہم کردار ادا کرے گا، منصوبے سے ہزاروں ملازمتوں کے مواقع پیدا ہوں گے۔
اعلامیہ کے مطابق ریکوڈک کاپر گولڈ مائن منصوبے میں 50 فیصد حصہ بیرک کولڈ، 25 فیصد بلوچستان اور 25 فیصد کی مالک وفاقی حکومت کے 3 ادارے ہیں۔
اے ڈی بی کا کہنا ہے کہ ریکوڈک سے تانبےکی پیداوار 2028 کے آخر میں شروع ہونے کی توقع ہے۔
یاد رہے کہ اس سے قبل 11 اگست کو ڈان اخبار کی رپورٹ میں بتایا گیا تھا کہ حکومت کو توقع ہے کہ حالیہ دو طرفہ ٹیرف معاہدے کے بعد پاکستان کے معدنیات اور کان کنی کے شعبے، خصوصاً تانبے کی برآمدات میں امریکا سے نمایاں سرمایہ کاری آئے گی۔
وفاقی وزیرِ تجارت جام کمال خان نے قومی اسمبلی میں پیش کی گئی تازہ ترین رپورٹ میں انکشاف کیا تھا کہ پاکستانی ٹیم اور امریکی حکام کے درمیان باہمی ٹیرف پر مذاکرات کے دوران امریکی فریق نے معدنیات، کان کنی اور تانبے میں سرمایہ کاری میں دلچسپی ظاہر کی ہے۔
وفاقی وزیر برائے تجارت نے بتایا تھا کہ امریکی انتظامیہ نے تانبے، لوہے، اسٹیل اور ایلومینیم کی درآمد پر 50 فیصد ٹیرف عائد کیا تھا، تاہم بعد میں ریفائنڈ تانبے کو اس 50 فیصد ٹیرف سے مستثنیٰ کر دیا گیا، اس لیے امریکی مارکیٹ میں ویلیو ایڈیڈ (ریفائنڈ) تانبا برآمد کرنا زیادہ فائدہ مند ہوگا۔


مشہور خبریں۔
امریکہ آنے والے مہینوں میں ہم پر حملہ کرے گا: میکرون
?️ 11 فروری 2026 سچ خبریں:ایمانوئل میکرون، صدراعظم فرانسہ نے خبردار کیا ہے کہ امریکہ
فروری
فلسطینی قوم کا درد ابو عبیدہ کا درد تھا:شہید کے اہل خانہ
?️ 31 دسمبر 2025 فلسطینی قوم کا درد ابو عبیدہ کا درد تھا:شہید کے اہل
دسمبر
کیوبا میں امریکی کشتی پر سوار 4 افراد کی ہلاکت کی اطلاع
?️ 26 فروری 2026 سچ خبریں:کیوبا کی وزارت داخلہ نے اعلان کیا ہے کہ امریکی
فروری
ہم تم سے نزدیک ہیں؛صیہونی ذرائع ابلاغ پر وسیع سائبر حملہ
?️ 3 جنوری 2022سچ خبریں:جنرل سلیمانی اور ابو مہدی المہندس کی شہادت کی دوسری برسی
جنوری
شیخ عیسی قاسم: شہید رہنما خامنہای “آخرت کے مردوں میں سے ایک مرد” تھے
?️ 5 جولائی 2026سچ خبریں: بحرین کے سب سے نمایاں دینی مرجع آیت اللہ شیخ
جولائی
سعودی اتحاد کی 225 مرتبہ الحدیدہ جنگ بندی کی خلاف ورزی
?️ 19 اکتوبر 2021سچ خبریں:یمن سے موصول ہونے والی تازہ ترین اطلاعات کے مطابق سعودی
اکتوبر
عراق کے مستقبل کے وزیر اعظم کے لیے امیدوار
?️ 28 اپریل 2026 سچ خبریں: فریم ورک برائے ہم آہنگی، جو عراق کی شیعہ
اپریل
سینیٹ اجلاس میں اسرائیل کے ایران پر حملے کی شدید مذمت
?️ 18 جون 2025اسلام آباد: (سچ خبریں) سینیٹ کے اجلاس میں اسرائیل کے ایران پر
جون