الیکشن کمیشن ممبران کے خلاف عدالتی حکم نہ ماننے پر توہین عدالت کی کارروائی نہیں ہو سکتی

?️ 23 مارچ 2023

اسلام آباد: (سچ خبریں) وزیراعظم شہباز شریف کے معاون خصوصی عرفان قادر نے پنجاب اور کے پی کے انتخابات سے متعلق الیکشن کمیشن کے فیصلے کو درست قرار دیا۔

انہوں نے نجی ٹی وی  کے پروگرام میں گفتگو کرتے ہوئے کہا کہ الیکشن کمیشن ممبران کے خلاف عدالتی حکم نہ ماننے پر توہین عدالت کی کارروائی نہیں ہو سکتی۔عرفان قادر نے کہا کہ اگر آئین میں 90 روز میں انتخابات کا ذکر ہے تو آئین میں یہ بھی درج ہے کہ اگر کوئی چیز بروقت نہ ہو سکے تو وہ بعد میں بھی کی جا سکتی ہے، الیکشن کمیشن کا فیصلہ درست ہے۔

خیال رہے کہ  الیکشن کمیشن نے 30 اپریل کو پنجاب اسمبلی کے ہونے والے عام انتخابات ملتوی کر دیئے جبکہ 8 اکتوبر 2023ء انتخابات کی تاریخ مقرر کرتے ہوئے اس کا شیڈول بعد میں جاری کرنے کا حکمنامہ جاری کیا ہے۔