بانی پی ٹی آئی سے ملنے آئے برطانوی صحافی کے ساتھ کیا ہوا؟

?️ 1 اگست 2024

سچ خبریں: پاکستان تحریک انصاف کے بانی عمران خان سے ملاقات کرنے کے لیے پاکستان آنے والے برطانوی صحافی کا ویزا منسوخ کرکے انہیں واپس بھیج دیا گیا۔

ذرائع کے مطابق امریکی نژاد برطانوی صحافی چارلز گلاس کو وزارت داخلہ نے ویزا منسوخ کرکے واپس بھیجا۔

یہ بھی پڑھیں: وکلا کو عمران خان سے ملاقات کرنے سے نہیں روکا جائے گا، سپرنٹنڈنٹ اڈیالہ جیل نے رپورٹ جمع کروادی

ذرائع کا کہنا ہے کہ چارلز گلاس کو اسلام آباد میں ایک گھر سے گرفتار کرکے ایئرپورٹ پر واپس بھیجا گیا۔

انہوں نے وزیرداخلہ محسن نقوی کو ای میل کے ذریعے بانی پی ٹی آئی عمران خان سے ملاقات کی اجازت طلب کی تھی۔

ذرائع کے مطابق چارلز گلاس نے وزیرداخلہ کو بتایا تھا کہ عدالتی اجازت کے باوجود انہیں عمران خان سے ملنے نہیں دیا گیا۔

مزید پڑھیں: عمران خان سے ملاقات نہ کروانے پر سپرنٹنڈنٹ اڈیالہ جیل کیخلاف توہین عدالت کی درخواست، نوٹس جاری

واضح رہے کہ چارلز گلاس عمران خان کے دوست ہیں اور ان سے ملاقات کے لیے پاکستان آئے تھے۔