جناح ہاؤس جلاؤ گھیراؤ کے کیس کی سماعت

?️ 6 اگست 2024

سچ خبریں: انسداد دہشت گردی عدالت لاہور میں جناح ہاؤس جلاؤ گھیراؤ کی سماعت کے دوران بانی پی ٹی آئی کی بہنوں سمیت 56 ملزمان کی عبوری ضمانتوں پر سماعت ہوئی۔

پی ٹی آئی کے وکیل بابر اعوان نے عدالت میں دلائل دیتے ہوئے کہا کہ آج چوتھی بار آپ کے سامنے پیش ہو رہا ہوں، لگتا ہے جیسے میں ادھار مانگ رہا ہوں، جیسے آپ نے لکھا ہو کہ ادھار مانگنا منع ہے۔

یہ بھی پڑھیں: اشتعال انگیز تقریر، جلاؤ گھیراؤ: یاسمین راشد، عمر سرفراز چیمہ کی ضمانتیں منظور

جج خالد ارشد نے سرکاری وکیل سے کہا کہ تفتیشی افسر کو بلا لیں۔

عظمیٰ خان نے کہا کہ تفتیشی افسر پیش نہیں ہونا چاہتا، اس کے لیے کوئی سزا ہونی چاہیے۔

جج خالد ارشد نے کہا کہ تفتیشی افسر سے کہا ہے کہ لکھ کر دیں اگر ان کے پاس ثبوت نہیں ہیں، تو گرفتاری نہیں ہو گی۔

مزید پڑھیں: 9 مئی جلاؤ گھیراؤ کیس: عدالت نے عمران خان کو 2 مقدمات میں بری کردیا

عظمیٰ خان نے استفسار کیا کہ ضمانتیں کنفرم کرنے میں آپ کو کیا تحفظات ہیں؟