یوکرائن کے بحران پر سعودی عرب کا پہلا ردعمل

?️ 3 مارچ 2022

سچ خبریں:یوکرائن کے بحران پر سعودی حکومت نے اپنے پہلے سرکاری ردعمل میں کشیدگی میں کمی اور بحران کے سیاسی حل پر زور دیا۔
سی این این کی رپورٹ کے مطابق سعودی کابینہ نے منگل کی رات اپنا ہفتہ وار اجلاس منعقد کیا، جس کی صدارت سعودی فرمانروا سلمان بن عبدالعزیز نے کی، جس میں پیداوار بڑھانے کے لیے بین الاقوامی دباؤ کے باوجود ریاض کی جانب سے اوپیک معاہدے کی پاسداری پر زور دیا۔

یادرہے کہ سعودی وفد نے اتوار کو سعودی ولی عہد شہزادہ محمد بن سلمان اور فرانسیسی صدر ایمانوئل میکرون سے بھی ملاقات کی، جس کے دوران ریاض نے تیل کی منڈیوں کے استحکام اور توازن کی خواہش کا اظہار کیا،سعودی کابینہ کے اجلاس میں یوکرائن کی صورتحال اور توانائی کی منڈیوں پر اس کے اثرات کا جائزہ لینا ایک اور موضوع تھا۔

اس حوالے سے سعودی سرکاری خبر رساں ایجنسی واس نے اطلاع دی کہ اس ملاقات میں تیل کی منڈی کو مستحکم کرنے کے لیے سعودی عرب کی خواہش اور OPEC Plus معاہدے سے وابستگی پر زور دیا گیا،رپورٹ کے مطابق سعودی کابینہ نے یوکرائن میں کشیدگی کی کمی اور اس ملک میں جاری بحران کے سیاسی حل پر بھی زور دیا،قابل ذکرہے کہ یوکرائن کے بحران پر سعودی عرب کا یہ پہلا سرکاری ردعمل ہے۔