یورپی یونین نے ایران کے خلاف نئی پابندیاں عائد کر دیں

یورپی یونین نے ایران کے خلاف نئی پابندیاں عائد کر دیں

 یورپی یونین نے مبینہ انسانی حقوق کی سنگین خلاف ورزیوں کے الزام میں ایران کے 19 حکام اور اداروں پر نئی پابندیوں کی منظوری دے دی ہے۔

یورپی یونین کی خارجہ پالیسی اور سیکیورٹی امور کی سربراہ کایا کالاس نے بدھ کے روز اس فیصلے کا اعلان کرتے ہوئے کہا کہ یورپی یونین ایران کو جوابدہ بنانے کے عمل کو جاری رکھے ہوئے ہے۔ ان کے مطابق یورپی یونین کے رکن ممالک کے سفیروں نے 19 ایرانی حکام اور اداروں کے خلاف نئی پابندیوں کی منظوری دی ہے جن پر مبینہ طور پر انسانی حقوق کی سنگین خلاف ورزیوں کا الزام ہے۔

کایا کالاس نے مزید دعویٰ کیا کہ ایران کی جانب سے جاری کشیدگی اور سرگرمیوں کے پیش نظر یورپی یونین اپنے مفادات کے تحفظ کے لیے اقدامات جاری رکھے گی اور اندرونی کریک ڈاؤن میں ملوث افراد کو جوابدہ ٹھہرائے گی۔

یورپی یونین کے مطابق یہ پابندیاں ان ایرانی حکام اور اداروں پر عائد کی گئی ہیں جن پر ملک کے اندر انسانی حقوق کی خلاف ورزیوں میں کردار ادا کرنے کا الزام ہے۔ تاہم ابھی تک ان افراد اور اداروں کے ناموں کی مکمل تفصیلات جاری نہیں کی گئی ہیں۔