یورپی یونین نے ایران کے جوہری مسئلے کے سیاسی حل پر زور دیا

یورپی یونین نے ایران کے جوہری مسئلے کے سیاسی حل پر زور دیا

 ایران اور امریکہ کے درمیان مسقط میں ہونے والے اجلاس سے قبل یورپی یونین نے ایران کے جوہری پروگرام کے مسئلے کو سفارتی اور پرامن ذرائع سے حل کرنے پر زور دیا اور خطے میں کشیدگی بڑھانے سے گریز کی ضرورت پر تاکید کی ہے۔

ایرنا کے مطابق یورپی یونین کے خارجہ امور کے ایک اعلیٰ اہلکار نے نام نہ ظاہر کرنے کی شرط پر صحافیوں کو بتایا کہ یورپی یونین ایران کے جوہری مسئلے کے پرامن حل کی حمایت کرتا ہے اور خطے میں تنازعات کے بڑھنے سے روکنا چاہتا ہے۔ انہوں نے ایران سے کہا کہ وہ ایٹمی توانائی کے عالمی ادارے کے ساتھ مکمل تعاون کرے اور جوہری ہتھیاروں کی غیر پھیلاؤ کے معاہدے کی شقوں پر عمل درآمد یقینی بنائے۔

یاد رہے کہ ایران اور عالمی ایٹمی ادارے کے درمیان تعاون امریکی اور اسرائیلی حملوں اور ایرانی قانون سازی کے بعد کچھ حد تک محدود ہو گیا تھا۔ اس کے بعد مذاکرات کے دوران ایران اور ایٹمی ادارے کے درمیان ۱۸ ستمبر کو ایک تکنیکی تفاهم ہوا تھا، لیکن یورپی ممالک اور امریکہ کی سیاسی کارروائیوں، بشمول ایٹمی ایجنسی کی گورننگ کونسل کی ایران مخالف قرارداد، کی وجہ سے اس تفاهم پر عمل درآمد رک گیا۔

ایران اس بات پر زور دیتا رہا ہے کہ ایٹمی ادارے کے ساتھ اس کا تعاون ایرانی پارلیمنٹ کے منظور شدہ قانون کے مطابق ہوگا۔ ایران نے بارہا کہا ہے کہ وہ ایک مستحکم اور قابل اعتماد معاہدے کے لیے تیار ہے جو یقینی طور پر پابندیوں کو ختم کرے اور مستقبل میں کسی قسم کے غلط استعمال کو روکے۔

ایران اور امریکہ ۱۷ بهمن کو مسقط میں غیر مستقیم مذاکرات کا سلسلہ دوبارہ شروع کریں گے۔