یمنی عوام نے غیر معمولی شجاعت کا مظاہرہ کیا؛ٹرمپ کا اعتراف

🗓️ 9 مئی 2025

سچ خبریں:امریکی صدر ڈونلڈ ٹرمپ نے یمنی عوام کی شجاعت اور امریکہ کے خلاف ان کی مزاحمت کا اعتراف کرتے ہوئے کہا ہے کہ وہ اپنے وعدوں پر قائم ہیں اور ہم ان کے عہد کا احترام کرتے ہیں۔

امریکہ کے صدر ڈونلڈ ٹرمپ نے یمنی عوام کی واشنگٹن کے ساتھ کشمکش میں طاقت و حوصلے کا اعتراف کرتے ہوئے کہا ہے کہ یمنی قوم نے بے مثال شجاعت کا مظاہرہ کیا ہے۔

یہ بھی پڑھیں: یمنی فوج کا امریکہ کو انتباہ

الجزیرہ نیوز چینل کی رپورٹ کے مطابق امریکہ کے صدر ڈونلڈ ٹرمپ نے اپنے تازہ ترین بیان میں کہا کہ ہم نے یمنیوں کے ساتھ مثبت نتائج حاصل کیے ہیں، ہم یمنی قیادت کے اس وعدے کا احترام کرتے ہیں جس کے تحت وہ بحری جہازوں پر حملے نہیں کریں گے۔

انہوں نے مزید کہا کہ یمنی قیادت کی جانب سے اس بات کا وعدہ کیا گیا ہے کہ وہ بحری جہازوں کو نشانہ نہیں بنائیں گے اور ہم ان کے اس وعدے کی قدر کرتے ہیں۔

ٹرمپ نے اپنے بیان میں امریکی شکستوں کو نظرانداز کرتے ہوئے دعویٰ کیا کہ ہم نے یمنیوں پر بھاری ضربیں لگائیں، لیکن وہ ہمارے ردعمل کو برداشت کرنے کی طاقت رکھتے تھے۔

انہوں نے مزید اعتراف کیا کہ یمنی عوام نے غیر معمولی شجاعت اور استقلال کا مظاہرہ کیا ہے۔

مزید پڑھیں: بحیرہ احمر میں امریکی فوجی نقل و حرکت کو یمنی فوج کی سخت وارننگ

بیان کے ایک اور حصے میں ٹرمپ نے یہ دعویٰ بھی کیا کہ امریکہ بھارت اور پاکستان کے درمیان جاری کشیدگی کے خاتمے میں تعاون فراہم کرنے کے لیے تیار ہے۔