سچ خبریں:بحرین کے مذہبی رہنما اور عالم دین شیخ عیسی قاسم نے یمن کی جنگ کو امریکہ کے اشاروں پر ہونے والی ایک گھناؤنی جنگ قرار دیا۔
بحرین کے بزرگ شیعہ عالم دین شیخ عیسی قاسم نے یمن کے خلاف سعودی جارحیت کی مذمت کرتے ہوئے اسے دین اور انسانی ضمیر کی نظر سے بہت ہی گھناونی جنگ سے تعبیر کیا۔
المسیرہ ٹی وی چینل کی رپورٹ کے مطابق شیخ عیسی قاسم نے کہاکہ یمن کے عوام کے خلاف بڑے پیمانے پر جارحیت امریکی حکومت کی ایماء پر ہورہی ہے جسے ایک مسلمان ہمسایہ ملک انجام دے رہا ہے۔
انہوں نے یمن جنگ کو ہر مسلمان کے اسلام و ایمان کو پرکھنے کی کسوٹی قرار دیتے ہوئے کہاکہ ہر مسلمان جس پوزیشن میں بھی ہووہ اپنے اسلام اور ایمان کو کسی بھی ملک میں مسلمانوں کے امور کو اہمیت دینے اور اسکی حمایت کی سطح سے پرکھ سکتا ہے۔