کولمبیا کے صدر کے ہیلی کاپٹر پر حملہ

?️ 26 جون 2021

سچ خبریں:کولمبیا کے صدر کا کہنا ہے کہ وینزویلا کی سرحد کے قریب انہیں اور سینئر عہدیداروں کو لے جانے والے ایک ہیلی کاپٹر کو متعدد گولیوں کے ذریعہ نشانہ بنایا گیا۔
روئٹرز خبر رساں ادارے کی رپورٹ کے مطابق کولمبیا کے صدر ایوان دوکا نے ایک ویڈیو جاری کی ہے جس میں دعوی کیا گیا ہے کہ جمعہ کے روز وینزویلا کی سرحد کے قریب انھیں اور کچھ دیگر اعلی عہدیداروں کو لے جانے والے ہیلی کاپٹر پر فائرنگ کی گئی، کولمبیا کے صدر نے اعلان کیا کہ ایک ہیلی کاپٹر کے ذیعہ وہ ،وزیر دفاع ،وزیر داخلہ اور گورنو نورٹے ڈی سنٹینڈر کیٹاتومبو سرحدی علاقے سے کوکوٹا شہر جارہے تھے جب بندوق برداروں نےا ن کے ہیلی کاپٹر پر متعدد گولیاں ماریں۔

ایوان دوکا نے کہا کہ واضح ہے کہ یہ بزدلانہ حملہ تھا جس کے نتیجہ میں گولیوں کے سوراخ صدارتی ہیلی کاپٹرپر دیکھے جاسکتے ہیں، کولمبیا کے صدارتی ترجمان نے بتایا کہ فائرنگ سے کوئی شخص زخمی نہیں ہوا ہے ، لیکن صدر نے مجرموں کے بارے میں پتا کرنے کے احکامات جاری کر دیے ہیں۔

روئٹرز کے مطابق وینزویلا کےساتھ ملحقہ کولمبیا کی سرحد پر واقع کیٹاتمبو وسیع پیمانے پر عدم تحفظ کی تاریخ کا حامل ہے اور طویل عرصے سے باغی گروپوں اور حکومت کے مابین جھڑپوں کا مرکز رہا ہے جس کا سلسلہ آج تک جاری ہے۔