کولمبیا کا ایران کے ساتھ سفارتی تعلقات منقطع کرنے کا اعلان

?️ 25 ستمبر 2026

سچ خبریں:کولمبیا کی وزارت خارجہ نے ایران کے ساتھ سفارتی تعلقات منقطع کرنے کا اعلان کیا ہے۔ کولمبیا نے قومی و علاقائی سلامتی کے خدشات اور انسانی حقوق کی مبینہ خلاف ورزیوں کو اس فیصلے کی وجہ قرار دیا ہے۔

کولمبیا نے امریکہ اور صیہونی حکومت کی پالیسیوں کی پیروی کرتے ہوئے ایران کے ساتھ سفارتی تعلقات منقطع کرنے کا اعلان کیا ہے۔

خبر رساں ادارے اناطولیہ کے مطابق، کولمبیا نے مغربی اور صیہونی پالیسیوں سے ہم آہنگی کے سلسلے میں دعویٰ کیا ہے کہ اس نے قومی اور علاقائی سلامتی کے خدشات، دہشت گرد گروہوں کے ساتھ مبینہ روابط اور انسانی حقوق کی مبینہ خلاف ورزیوں کے باعث ایران کے ساتھ اپنے سفارتی تعلقات باضابطہ طور پر منقطع کر دیے ہیں۔

کولمبیا کی وزارت خارجہ نے ایک بیان میں دعویٰ کیا کہ یہ فیصلہ 19 ستمبر سے نافذ العمل ہوگیا ہے۔ وزارت کے مطابق یہ فیصلہ حکومت کی خارجہ پالیسی کی ترجیحات، جن میں بین الاقوامی جرائم کے خلاف جدوجہد اور قومی سلامتی کا تحفظ شامل ہے، کی بنیاد پر کیا گیا ہے۔