چین کی مشرق وسطیٰ میں امریکہ کی جگہ لینے کی کوشش: نیویارک ٹائمز

?️ 4 فروری 2022

سچ خبریں:نیو یارک ٹائمز کی رپورٹ کے مطابق، جیسے ہی امریکہ مشرق وسطیٰ سے انخلاء کرتا ہے، چین بنیادی ڈھانچے کے منصوبوں میں سرمایہ کاری اور سکیورٹی اور ٹیکنالوجی پر تعاون کر کے خطے کے ممالک کے ساتھ اپنے تعلقات کو وسعت دے کر امریکہ کی جگہ لینا چاہتا ہے۔
نیویارک ٹائمز نے اپنی ایک رپورٹ میں لکھاہے کہ ترکی ان ممالک میں سے ایک ہے جن کے ساتھ چین تعلقات بہتر کر رہا ہے، ترک وزیر خارجہ 400 بلین ڈالر کے اس معاہدے پر پیشرفت کے لیے کام کر رہے ہیں جس کا چین نے وعدہ کیا ہے اور سینئر ترک سفارت کار نے بھی چین کو نشانہ بنانے والی میڈیا رپورٹس پر کریک ڈاؤن کرنے کا وعدہ کیا ہے۔

اخبار نے مزید لکھا ہے کہ چین ایک ایسے وقت میں خطے میں واشنگٹن کے دوستوں اور دشمنوں کے ساتھ اپنے تعلقات کو وسعت دے رہا ہے جب امریکہ کئی دہائیوں کی جنگ کے بعد مشرق وسطیٰ سے دباؤ کا شکار ہے اور خطے میں اپنی فوجی موجودگی کو کم کرنے کے کی کوشش کررہا ہے۔

درایں اثنا واشنگٹن پوسٹ نے یہ بھی اندازہ لگایا کہ چین خطے میں اہم کردار کے لیے مزید امریکہ کا مقابلہ نہیں کر سکتا،تاہم مشرق وسطیٰ کے ممالک تیزی سے بیجنگ کی طرف دیکھ رہے ہیں جبکہ مشرق وسطیٰ سے امریکہ کے مکمل انخلاء کی صورت میں چین خطے کے ممالک سے تیل خریدنا جاری رکھے گا نیز انفراسٹرکچر اور سکیورٹی اور ٹیکنالوجی تعاون میں سرمایہ کاری کو وسعت دے گا۔