ٹرمپ فلسطینی قوم پر ہتھیار ڈالنے کی شرائط مسلط کرنا چاہتا ہے:خلیل نصراللہ

ٹرمپ فلسطینی قوم پر ہتھیار ڈالنے کی شرائط مسلط کرنا چاہتا ہے:خلیل نصراللہ

معروف فلسطینی تجزیہ کار و مصنف خلیل نصراللہ نے کہا ہے کہ ڈونلڈ ٹرمپ کی جانب سے حالیہ دھمکیاں دراصل امریکہ اور اسرائیل کی مشترکہ پالیسی کی عکاسی کرتی ہیں، جس کا مقصد فلسطینی عوام پر ہتھیار ڈالنے کی شرائط تھوپنا ہے۔

فلسطینی میڈیا کے مطابق نصراللہ نے کہا کہ امریکہ اور اسرائیل یہ تاثر دے رہے ہیں کہ حماس مذاکرات نہیں چاہتی، حالانکہ حقیقت یہ ہے کہ حماس نے ایسی شرائط کو مسترد کیا جو مکمل طور پر ذلت آمیز اور فلسطینی خودمختاری کے خلاف تھیں۔

انہوں نے مزید کہا کہ ان شرائط کو بہانہ بنا کر حماس پر الزام تراشی کی جا رہی ہے، جبکہ اصل مقصد جنگ کو طول دینا اور فلسطینی عوام کو مکمل کنٹرول میں لانا ہے۔