?️
سچ خبریں:لبنانی وزیر خارجہ نے شامی پناہ گزینوں کی اپنے ملک میں واپسی کو مغرب کی طرف سے سبوتاژ کرنے کا ذکر کرتے ہوئے کہاکہ مغربی ممالک شامی مہاجرین کی ان کے ملک میں واپسی کو روک رہے ہیں۔
العہدنیوز چینل کی رپورٹ کے مطابق لبنانی وزیر خارجہ عبداللہ بو حبیب نے شامی پناہ گزینوں کے اپنے ملک واپسی کے راستے میں مغربی ممالک کی تخریب کاری کے بارے میں بات کی، رپورٹ کے مطابق لبنان کے وزیر خارجہ نے اس سلسلے میں کہاکہ مغربی ممالک شامی مہاجرین کی وطن واپسی کو روک رہے ہیں۔
انھوں نے کہا کہ یہ ممالک نہ صرف بے گھر افراد کی واپسی کی حمایت نہیں کرتے بلکہ انہوں نے بے گھر افراد کو اپنے وطن واپس جانے سے روکنے کی ہر ممکن کوشش کی ہے، بوحبیب نے کہاکہ جو بات واضح نظر آتی ہے وہ یہ ہے کہ مغربی ممالک دمشق حکومت کے بارے میں اپنے موقف کی وجہ سے پناہ گزینوں کی وطن واپسی کو روک رہے ہیں۔
انھوں نے مزید کہا کہ ہم نے گزشتہ عرصے میں شامی پناہ گزینوں کی ان کے ملک میں واپسی کے لیے روسی تعاون کا مشاہدہ کیا ہے، یادرہے کہ حال ہی میں شام کے وزیر خارجہ نےبھی دمشق کے بارے میں مغربی ممالک کے معاندانہ رویے پر کڑی تنقید کی،لبنانی وزیر خارجہ نے کہا کہ ہم نے روس کے ساتھ مل کر شامی پناہ گزینوں کی ان کی سرزمین پر واپسی کی تیاری کے لیے سخت محنت کی ہے۔
المقداد نے کہاکہ تمام کوششوں کے باوجود مغربی ممالک جھوٹ اور جھوٹے پروپیگنڈے کے ذریعے شامی پناہ گزینوں کی واپسی کو روکنے کی کوشش کر رہے ہیں، انھوں نے مزید کہاکہ شام کے پناہ گزینوں کی ان کے ملک میں واپسی کے معاملے کو اب بھی شدید سیاسی کام اور مغربی ممالک کے شدید دباؤ کا سامنا ہے۔
انہوں نے مزید کہاکہ مغربی دباؤ کا مقصد شام میں زیادہ تر پناہ گزینوں کی واپسی کو سبوتاژ کرنا ہے جبکہ وہ سیاسی مطالبات کی تکمیل کے خواہاں ہیں جو اقوام متحدہ کے چارٹر سے متصادم ہیں۔


مشہور خبریں۔
مصالحہ دار کھانوں کا صحت پر منفی اثرات، حیران کن تحقیق
?️ 8 فروری 2021واشنگٹن(سچ خبریں ) برصغیر ہند و پاک میں لوگ مصالحہ دار کھانا
فروری
یورپی پارلیمنٹ کا بیان دوہرے معیار اور منافقت کی واضح مثال: یمن
?️ 25 اکتوبر 2026سچ خبریں: یمنی پارلیمنٹ کے سربراہ شیخ یحییٰ علی الراعی نے یورپی
اکتوبر
امریکی میگزین کے مطابق یمنی تیل کی لوٹ مار
?️ 8 جون 2023سچ خبریں:یمن میں سعودی عرب کی قیادت میں جاری جنگ نے نہ
جون
صیہونی قیدیوں کے اہلخانہ کے ہاتھ ایک بار پھر نیتن یاہو کے دست بہ گریبان
?️ 15 فروری 2024سچ خبریں: ہزاروں کی تعداد میں آبادکار اور صہیونی قیدیوں کے اہل
فروری
30 لاکھ اسرائیلیوں کی معلومات کی نیلامی
?️ 6 ستمبر 2022سچ خبریں:صیہونی اخبار نے اعتراف کیا کہ موساد کے سربراہ ڈیوڈ بارنیا
ستمبر
امریکی کانگریس کی عمارت فضائی خطرے کے باعث خالی
?️ 21 اپریل 2022سچ خبریں: امریکی میڈیا نے جمعرات کی صبح اطلاع دی ہے کہ
اپریل
تل ابیب اور مقبوضہ علاقوں میں یافا کی بندرگاہ میں تین دھماکے
?️ 1 جنوری 2022سچ خبریں:صیہونی ذرائع ابلاغ کے ذرائع کا کہنا ہے کہ تل ابیب
جنوری
ممنوع فنڈنگ کیس، الیکشن کمیشن کی پی ٹی آئی کو جواب کیلئے مزید ایک ماہ کی مہلت
?️ 7 جون 2023اسلام آباد:(سچ خبریں) الیکشن کمیشن آف پاکستان نے پاکستان تحریک انصاف (پی
جون