مسجد اقصی چلو

?️ 12 مئی 2021

سچ خبریں:فلسطینی اسلامی مزاحمتی تحریک حماس اور جہاد اسلامی نے فلسطینیوں سے جمعرات کے روز عید الفطر کی نماز میں شرکت کے لئے مسجد اقصی جانے کا مطالبہ کیا ہے۔
المیادین چینل کی رپورٹ کے مطابق حماس کے ترجمان نے ایک بیان جاری کرتے ہوئے فلسطینی عوام سے مطالبہ کیا ہے کہ وہ عید الفطر کے موقع پر مسجد اقصیٰ میں ایک بڑا اجتماع کریں، حماس کے ترجمان محمد حمادۃ نے فلسطینیوں کو خطاب کرتے ہوئے کہا کہ آپ کا مسجد اقصی میں پہنچناغزہ میں شہدا کے خون سے وفاداری کے معاہدے اور آزادی کے راستے کو جاری رکھنے کا ثبوت ہےنیز اس کا مطلب یہ ہے کہ آپ مسجد اقصی کو کبھی تنہا نہیں چھوڑیں گے۔

انہوں نے مزید کہاکہ ہم یروشلم ، مقبوضہ علاقوں اور مغربی کنارے کے عوام نیز فلسطین کے تمام شہروں میں قابضین کے خلاف اس شاندار مزاحمت اور جہاد پر فسطینی عوام کو مبارکباد پیش کرتے ہیں، آپ بیت المقدس کی آزادی کے لیے اپنے حصے کی لڑائی میں حصہ لے رہے ہیں۔
واضح رہے کہ فلسطینی جہاد اسلامی موومنٹ نے یروشلم ،مغربی کنارے کے شہروں اور 48 اراضی میں مسجد اقصیٰ کے محافظوں کو بھی کل جمعرات کو مسجد اقصی میں نماز عید ادا کرنے کے لئے مدعو کیا، جہاد اسلامی نے ان سے نعرۂ تکبیر لگانے اور دنیا کو یہ پیغام دینے کو کہا کہ القدس اور مسجد اقصی فلسطینی ہیں جو نہ کبھی یہودی یا صہیونی تھے اور نہ ہوں گے۔

جہاد اسلامی نے اعلان کیاکہ عید کے روز مسجد اقصی میں شرکت اور پھر آنے والے جمعہ کی نماز میں شرکت ایک اہم اقدام ہے جو آپ کے استحکام کو ظاہر کرتا ہے۔