محورِ مزاحمت حتمی وار کے لیے تیار، اسرائیل کے زوال کے دن قریب ہیں

محورِ مزاحمت حتمی وار کے لیے تیار، اسرائیل کے زوال کے دن قریب ہیں

منی محقق اور مصنف ایمان شرف‌الدین کا کہنا ہے کہ خطے میں مزاحمتی محاذ پوری طرح تیار اور مربوط ہے اور جلد ہی فیصلہ کن کارروائی عمل میں لائی جائے گی۔ ان کے بقول، مختلف مراحل کے بعد اب صرف قلیل وقت باقی ہے جب اسرائیل کو ایک ہم آہنگ اور بیک وقت کئی محاذوں سے حملے کا سامنا ہوگا۔

ایمان شرف‌الدین نے اس سوال کے جواب میں کہ اسرائیل کا وجود کب تک برقرار رہ سکتا ہے، کہا کہ نہ منطق، نہ عقل اور نہ ہی زمینی حقائق اسرائیل کے مستقبل کے حق میں ہیں۔ ان کے مطابق، اسرائیل کا وجود چند سالوں سے زیادہ قائم نہیں رہ سکتا اور بالآخر اس کا خاتمہ یقینی ہے۔

انہوں نے اسرائیل کو عارضی اور وہمی وجود قرار دیتے ہوئے کہا کہ اگرچہ اس نے مصر، اردن اور خلیجی ممالک میں اثر و رسوخ قائم کیا ہوا ہے لیکن یہ اثر مطلق نہیں ہے۔ انہوں نے مزید کہا کہ خطے کے کئی ممالک اسرائیل کے خلاف ڈٹے ہوئے ہیں، جن میں لبنان، عراق، یمن، شام اور ایران شامل ہیں، اور یہی ممالک مزاحمتی محاذ کی مضبوط دیوار ہیں۔

یمن کی صورتحال پر بات کرتے ہوئے شرف‌الدین نے کہا کہ یمن ایک مستقل محاذ ہے جو اسرائیل اور اس کے حامیوں کے خلاف سمندری ناکہ بندی سختی سے نافذ کر رہا ہے۔ لبنان کے بارے میں ان کا کہنا تھا کہ وہ بھی رفتہ رفتہ میدان میں اتر رہا ہے اور حزب اللہ کے رہنما واضح کر چکے ہیں کہ ان کا اسلحہ کسی صورت میں نہیں چھینا جا سکتا۔

انہوں نے ایران کے کردار پر روشنی ڈالتے ہوئے کہا کہ حالیہ 12 روزہ جنگ میں ایران کا تجربہ منفرد رہا اور اسرائیل نے وہ کچھ دیکھا جو اس نے پہلے کبھی نہیں دیکھا تھا۔

آخر میں ایمان شرف‌الدین نے کہا کہ محورِ مزاحمت فیصلہ کن لمحے کے لیے پوری طرح تیار ہے۔ چاہے فضائی مشترکہ حملہ ہو یا زمینی کارروائی، ایک ہم آہنگ دھچکا اسرائیل کے وجود کو ہلا کر رکھ دے گا۔ ان کے بقول یہ کوئی پیشگوئی نہیں بلکہ میدانِ عمل کی حقیقتوں پر مبنی نتیجہ ہے۔انہوں نے دوٹوک کہا کہ اسرائیل کے ساتھ یہ محاذ آرائی اپنے اختتامی مرحلے میں داخل ہو چکی ہے اور اس کا انجام قریب ہے۔