لبنانی مزاحمتی تحریک کے حملے میں متعدد صیہونی ہلاک 

سچ خبریں:لبنانی مزاحمتی تحریک حزب اللہ کے جوابی حملوں میں صیہونی فوج کو بھاری جانی و مالی نقصان اٹھانا پڑا ہے۔

اسرائیلی ذرائع ابلاغ نے باضابطہ طور پر سرحدی تنازعات والے علاقوں میں دو الگ الگ واقعات میں ایک اسرائیلی فوجی کی ہلاکت اور پانچ دیگر کے زخمی ہونے کی تصدیق کی ہے۔

عبرانی میڈیا کے مطابق، ان دو واقعات میں زخمی ہونے والوں میں سے کچھ کی حالت تشویشناک جبکہ کچھ کو معمولی چوٹیں آئی ہیں۔ مزید یہ کہ مزاحمتی کارروائیوں کے نتیجے میں صیہونی افواج کو پیچھے ہٹنے پر مجبور ہونا پڑا۔

تفصیلات کے مطابق، لبنانی اسلامی مزاحمت کے جنگجوؤں نے اپنے دفاعی اور انتقامی حملوں کے سلسلے کو جاری رکھتے ہوئے، دشمن اسرائیلی فوج کی گاڑیوں اور فوجیوں کی موجودگی کو علاقہ عریض دبین میں نشانہ بنایا۔ یہ علاقہ قصبہ دبین کے مضافات میں واقع ہے۔ اس حملے میں آرٹلری گولیوں اور راکٹ بیراجوں کا استعمال کیا گیا، جس کے نتیجے میں دو میرکاوا ٹینک شدید طور پر تباہ ہوگئے اور دشمن کی افواج کو اس محور سے پسپائی اختیار کرنی پڑی۔

حزب اللہ کی جانب سے جاری ایک اور بیان میں کہا گیا ہے کہ انہوں نے قصبہ یحمر الشقیف کے اطراف میں صیہونی حکومت کی بکتر بند گاڑیوں اور فوجیوں کی موجودگی کو بھی راکٹ حملے کا نشانہ بنایا۔ اس کے علاوہ، ایک علیحدہ کارروائی میں مزاحمت نے قصبہ البیاضة میں صیہونی حکومت کی ایک میرکاوا ٹینک کو گائیڈڈ میزائل سے نشانہ بنا کر مکمل طور پر تباہ کردیا۔