فلسطینیوں کی قید میں موجود صیہونی فوجیوں کی تعداد میں اضافہ

?️ 5 جنوری 2024

سچ خبریں: صہیونی فوج کے ترجمان نے اعلان کیا ہے کہ غزہ میں تل ابیب کے قیدیوں کی فہرست میں مزید 3 اسرائیلیوں کا اضافہ کر دیا گیا ہے۔

 مرکزاطلاعات فلسطین کی رپورٹ کے مطابق صیہونی حکومت کے ترجمان نے اعلان کیا ہے کہ غزہ میں 3 دیگر اسرائیلی جن کے نام لاپتہ افراد کی فہرست میں درج تھے ان کے اسیر ہونے کا پتہ چلا ہے۔

دانیال ہگاری نے بتایا کہ اس طرح غزہ میں اسرائیلی قیدیوں کی تعداد 136 ہو گئی ہے۔

یہ بھی پڑھیں: اب صیہونی قیدیوں کا کیا ہوگا؟

در ایں اثنا القسام بٹالینز نے اعلان کیا کہ انہوں نے غزہ شہر کے التفاح محلے میں اسرائیلی قابض افواج اور فوجی ساز و سامان کو کم فاصلے تک مار کرنے والے راکٹوں اور مارٹر گولوں سے نشانہ بنایا۔

القسام بٹالین کے مجاہدین نے غزہ شہر کے التفاح محلے میں ایک بکتر بند گاڑی کے قریب قابض اسرائیلی فوج کے ایک گروپ کو آر پی جیز سے نشانہ بنایا، جس میں دشمن کی فوج ہلاک اور زخمی ہوئی

الجزیرہ کے رپورٹر نے اعلان کیا ہے کہ غزہ پر صیہونی حکومت کے آج کے حملوں میں شہید ہونے والوں کی تعداد 39 اور خان یونس کی تعداد 30 ہے۔

دوسری جانب غزہ کی پٹی کے اسٹیٹ انفارمیشن آفس نے اعلان کیا ہے کہ اس پٹی پر صیہونی فوج کے حملوں کے نتیجے میں شہید اور لاپتہ ہونے والوں کی تعداد 29 ہزار 313 تک پہنچ گئی ہے۔

اس سرکاری دفتر نے زور دے کر کہا کہ ان شہداء اور لاپتہ افراد میں سے 16350 خواتین اور بچے ہیں۔

فلسطین کے اسٹیٹ انفارمیشن آفس نے اس بات پر زور دیا کہ اسرائیلی فوج نے صرف 3 دنوں میں رفح میں فلسطینیوں کے خلاف 6 جرائم اور قتل عام کا ارتکاب کیا جس کے نتیجے میں 31 افراد شہید ہوئے۔

مزید پڑھیں: صیہونی قیدیوں کی رہائی کے لیے حماس کی نئی تجویز

غزہ کی پٹی کے اسٹیٹ انفارمیشن آفس نے صہیونیوں کے جرائم کے خلاف دنیا کی بے حسی کا ذکر کرتے ہوئے تاکید کی کہ غزہ کی پٹی میں شہریوں کی اجتماعی نسل کشی انسانیت کے ماتھے پر بدنما دھبہ ہے۔

فلسطینی حکومت کے اس ادارے نے مزید اعلان کیا کہ ہم عالمی برادری سے مطالبہ کرتے ہیں کہ وہ قابضین کے ہاتھوں غزہ میں عام شہریوں کی نسل کشی اور قتل عام بند کرے۔