فلسطینی بچوں کے خلاف صیہونیوں کا ایک اور جرم منظرعام پر

?️ 10 فروری 2024

سچ خبریں: میڈیا نے بتایا کہ ہند رجب نامی فلسطینی لڑکی کی لاش اس کے اہل خانہ کے ساتھ جنوبی غزہ میں اسرائیلی ٹینکوں میں گھری ہوئی ایک کار کے اندر سے ملی ہے۔

رشیا ٹوڈے کی رپورٹ کے مطابق فلسطینی ذرائع ابلاغ نے بتایا ہے کہ ہند رجب نامی چھ سالہ فلسطینی بچی کی لاش اس کے خاندان کے پانچ افراد کے ساتھ ایک ایسی گاڑی میں ملی ہے جسے غزہ شہر کے جنوب مغرب میں واقع تل الھوا علاقے میں صیہونی فوجی ٹینکوں نے گھیرے میں لیا ہوا تھا۔

یہ بھی پڑھیں: جبالیا کیمپ ایک بار پھر صیہونی بربریت کا شکار

ان میڈیا رپورٹس کے مطابق اس فلسطینی لڑکی کے اہل خانہ کو آج صبح اس کی اور اس کے ساتھ کار میں سوار افراد کی لاشیں ملیں۔

صیہونی حکومت کے ٹینکوں نے 12 روز قبل مذکورہ کار کو تل الھوا محلے کے المالیہ چوک کے گرد گھیرے میں لے لیا اور اس واقعے کے دوران گاڑی میں سوار افراد کو اسی وقت شہید کیا گیا تاہم ہند اور اس کی 14 سالہ خالہ زندہ بچ گئیں۔

اس وقت فلسطینی ہلال احمر نے ایک آڈیو پیغام جاری کیا جس میں امدادی کارکنوں کو علاقے میں پیش آنے والی صورتحال سے آگاہ کرنے کی کوشش کرتے ہوئے لیان کی آواز سنی جا سکتی تھی۔

اس نے اس صوتی پیغام میں کہا کہ ٹینکوں نے ہمیں گھیرے میں لے رکھا ہے اور ہم گاڑی کے اندر ہیں، اس وائس میسج کے بعد شدید شیلنگ ہوئی اور لیان کی چیخیں سنائی دیں جس کے بعد رابطہ منقطع ہوگیا۔

فلسطینی ہلال احمر کا بھی کہنا ہے کہ گزشتہ 12 دنوں میں اس فلسطینی لڑکی کی جان بچانے کے مشن کے دوران لاپتہ ہونے والے 2 ریسکیورز کی بھی لاشیں ملی ہیں۔

مزید پڑھیں: اسرائیل غزہ میں زیادہ تر کن لوگوں کو نشانہ بناتا ہے؟صیہونی ویب سائٹ کا اعتراف

اس فلسطینی تنظیم نے تاکید کی کہ صیہونی غاصب فوج نے فلسطینی بچی کے اہل خانہ کی گاڑی سے چند میٹر کے فاصلے پر امدادی فورسز کی گاڑی کو نشانہ بنایا۔

صیہونی حکومت کے اس جرم کی خبر میڈیا اور سوشل میڈیا میں بڑے پیمانے پر گردش کر رہی تھی۔