غزہ میں جاری نسل کُشی کے دوران اسرائیل نے برطانوی فوجیوں کو تربیت دی

?️ 29 نومبر 2025

غزہ میں جاری نسل کُشی کے دوران اسرائیل نے برطانوی فوجیوں کو تربیت دی

اسرائیلی فوج کی جانب سے غزہ میں جاری وسیع پیمانے پر عسکری کارروائیوں کے دوران یہ انکشاف ہوا ہے کہ برطانیہ کے متعدد فوجی اہلکار اکتوبر 2023 کے بعد اسرائیل میں تربیتی کورسز میں شریک رہے ہیں۔

بین الاقوامی میڈیا رپورٹس کے مطابق برطانوی وزیرِ دفاع آل کارنز نے تصدیق کی ہے کہ اکتوبر 2023 سے اب تک برطانوی مسلح افواج کے پانچ سے کم اہلکار اسرائیل میں اسٹاف ٹریننگ کورسز میں شریک ہوئے ہیں۔

اس معاملے کا انکشاف اس وقت ہوا جب برطانیہ کی رکنِ پارلیمنٹ زارا سلطانہ نے 18 نومبر کو وزارتِ دفاع سے سوال کیا کہ آیا برطانوی افسران حالیہ جنگ کے دوران اسرائیلی ملٹری کالجوں یا تربیتی مراکز میں زیرِ تعلیم رہے ہیں۔

تحقیقی میڈیا ادارے کے مطابق ابھی تک یہ واضح نہیں ہو سکا کہ ان اہلکاروں نے اسرائیل میں کن مقامات یا کس نوعیت کی عسکری تربیت حاصل کی۔

ستمبر 2023 میں اسرائیل کو برطانیہ کے رائل کالج آف ڈیفنس اسٹڈیز میں شرکت سے روک دیا گیا تھا۔ اس وقت کے برطانوی وزیرِ دفاع ورنون روڈنی کوکر نے غزہ میں اسرائیلی فوجی کارروائیوں میں شدت کو "غلط فیصلہ” قرار دیا تھا۔

رپورٹس کے مطابق اسی ماہ روزنامہ ڈیلی ٹیلیگراف نے بتایا کہ برطانوی فوج نے ایک اہم بین الاقوامی عسکری سیمینار میں شرکت سے بھی معذرت کر لی، جو اسرائیل نے غزہ جنگ کے تجربات شیئر کرنے کے لیے تل ابیب کے قریب منعقد کرنا تھا۔

برطانوی وزارتِ دفاع کا کہنا ہے کہ اگرچہ دعوت نامہ موصول ہوا تھا، لیکن فیصلہ کیا گیا کہ کوئی بھی برطانوی افسر اس تقریب میں شریک نہیں ہوگا۔