عمران خان نے ٹرمپ کے حکم پر جنرل سلیمانی کے قتل پر تشویش کا اظہار کیا تھا؛امریکی مصنف

?️ 29 جولائی 2021

سچ خبریں:ڈونلڈ ٹرمپ کی صدارت کے آخری مہینوں کے بارے میں ایک کتاب کے مصنفین نے لکھا ہےکہ پاکستانی وزیر اعظم عمران خان نے سابق امریکی صدر ڈونلڈ ٹرمپ کے کہنے پر جنرل قاسم سلیمانی کے قتل کو اب تک کا سب سے بڑا واقعہ قرار دیتے ہوئے اس پر تشویش کا اظہار کیا تھا۔

انگریزی زبان کے پاکستانی اخبار نے جمعرات کے روز واشنگٹن پوسٹ کے دو صحافیوں کی لکھی گئی کتاب کے اقتباسات نقل کرتے ہوئے خبر شائع کی کہ ٹرمپ نے جنرل سلیمانی کے قتل کے بعد فلوریڈا میں واقع وائٹ ہاؤس میں موسم سرما میں قیام کے دوران پاکستانی وزیر اعظم سے گفتگو کی تھی، کیرول لیوننگ اور فلپ روکر کی لکھی گئی کتاب I alone can fix it ٹرمپ کے دور صدارت کے آخری سال سے مخصوص ہے۔

کتاب میں لکھا ہے کہ اس وقت کے امریکی صدر نے اپنے انٹرویو میں اسلامی جمہوریہ ایران کے اعلی عہدہ دار کے قتل کو حیرت انگیز اقدام قرار دیا اور انہوں نے پاکستانی وزیر اعظم کے ساتھ گفتگو کرتے ہوئے اس کا ذکر بھی کیا۔

رپورٹ میں کیرول لیوننگ اور فلپ راکر کے حوالے سے کہا گیا ہے ڈونلڈ ٹرمپ نے مزید کہا کہ انہوں نے وزیر اعظم پاکستان سے بات کی ہے اور عمران خان نے انہیں بتایا کہ سینئر ایرانی کمانڈر کا قتل اب تک کا سب سے بڑا واقعہ تھا،واضح رہے کہ عراقی سرزمین پر امریکی افواج کے ذریعہ ایرانی قدس فورس کے سابق کمانڈر میجر جنرل قاسم سلیمانی کے قتل کے چند گھنٹوں بعد پاکستانی وزارت خارجہ نے موجودہ صورتحال پر شدید تشویش کا اظہار کیا اور کسی بھی طرح کی یکطرفہ اور جارحانہ کاروائی سے گریز کرنے کی ضرورت پر زور دیا۔