سچ خبریں: صیہونی حکومت کے ذرائع ابلاغ نے اطلاع دی ہے کہ اس حکومت کی فوج کو حالیہ عرصے کے دوران فلسطینیوں کی کم از کم 20 گرفتاری کی کارروائیاں منسوخ کرنا پڑی ہیں۔
ان ذرائع ابلاغ نے اعتراف کیا کہ فلسطینی شہریوں کی وسیع پیمانے پر گرفتاریوں کی وجہ سے صیہونی حکومت کی جیلیں بھری ہوئی ہیں اور نئے قیدیوں کے لیے مزید گنجائش نہیں ہے۔
واضح رہے کہ صیہونی فورسز مغربی کنارے کے مختلف شہروں پر روزانہ کی بنیاد پر حملے کرتے ہیں اور درجنوں فلسطینی نوجوانوں کو گرفتار کرتے ہیں۔
یہ اس حقیقت کے باوجود ہے کہ 7 اکتوبر کو غزہ میں جنگ کے آغاز سے اب تک صہیونی قبضے کے ہاتھوں مغربی کنارے میں 9,300 سے زائد فلسطینیوں کو گرفتار کیا جا چکا ہے۔
الاقصیٰ طوفان آپریشن کے بعد اسرائیلی فوج نے مغربی کنارے میں فلسطینیوں اور اس حکومت کی جیلوں میں قید فلسطینیوں کے خلاف دباؤ بہت بڑھا دیا ہے۔