صیہونی آبادکاروں میں خوف و ہراس کی لہر

?️ 21 فروری 2022

سچ خبریں:صیہونی ذرائع ابلاغ کا کہنا ہےکہ حزب اللہ کے ڈرون طیاروں کی وجہ سے مقبوضہ علاقوں کے شہریوں میں شدید خوف وہراس پایا جا رہا ہے۔
صیہونی اخبار Yedioth Ahronoth نے حزب اللہ کےڈرون کے مقبوضہ علاقوں کے آسمان میں اڑان اور وہاں 40 منٹ تک گشت کا ذکر کرتے ہوئے خبر دی ہے کہ ڈرون کے مقبوضہ علاقوں کے آسمان میں داخل ہونے سے شمالی علاقوں میں خوف و ہراس پھیل گیا ہے۔

رپورٹ کے مطابق اخبار نے کہاکہ چونکہ یہ ڈورن نسبتاً سستا ہے اور دوسری طرف ایک اہم خطرہ ہے، اس لیے سکیورٹی ایجنسیاں طویل عرصے سے اس بارے میں سوچ رہی تھیں کہ اس سے کیسے نمٹا جائےاس لیے کہ چھوٹے طیاروں کی کم قیمت کے مقابلے میں ایک آئرن ڈوم انٹرسیپشن کی قیمت تقریباً 50000 ڈالر ہے۔

اخبار کے مطابق مقبوضہ علاقوں کے آسمانوں میں چھوٹے ڈرون کی آمد کے ساتھ ہی آئرن ڈوم انٹرسیپٹر میزائل کو لانچ کیا گیا اور ساتھ ہی جنگی طیارے اور ہیلی کاپٹر بھی علاقے میں بھیجے گئے۔ اس طریقہ کار کو ٹریک کرنے کی لاگت، جو موجودہ کیس میں کامیاب نہیں ہوئی، بہت زیادہ ہے۔

دوسری جانب Haaretz اخبار نے اطلاع دی ہے کہ اسرائیلی فوج کے ایک ترجمان نے کہا ڈرون کے داخل ہونےکے بعد، آئرن ڈوم انٹرسیپٹرز لانچ کیے گئے اور ہیلی کاپٹروں اور جنگی طیاروں نے آسمان کی طرف اڑان بھری، لیکن ڈورن کو روکا نہیں جاسکا اور لبنان واپس لوٹ گیا جبکہ لبنان سے ڈرون آنے کے بعد گلیلی علاقے کے رہائشیوں کو کم از کم ایک دھماکے کی آواز سنائی دی۔