صبر و تحمل کا زمانہ ختم ہو چکا

?️ 26 اپریل 2021

سچ خبریں:مقبوضہ علاقوں میں اسٹریٹجک اور حساس ڈیموناتنصیبات پر میزائل حملے نے صیہونیوں کو یہ پیغام پہنچایا کہ صبر اور تحمل کا دور ختم ہوچکا ہے۔
لبنانی اخبار الاخبار نے اطلاع دی ہے کہ مقبوضہ علاقوں میں حالیہ سکیورٹی واقعات بشمول تل ابیب کے قریب ٹومر میزائل فیکٹری میں دھماکے اور صحرائے النقب میں واقع ڈیمونا جوہری تنصیبات کے قریب راکٹ لگنے کے سلسلہ میں علاقائی اور بین الاقوامی سطح پر وسیع پیمانہ پر رد عمل دیکھنے کوملا ہے، رپورٹ کے مطابق الاخبار نےاپنے کالم میں لکھا ہےکہ متعدد ذرائع ابلاغ نے اطلاع دی ہے کہ مذکورہ واقعات کے بعد خطے میں تنازعات کے قواعد میں بہت سی تبدیلیاں آئی ہیں، بلاشبہ مذکورہ واقعات کے بعد خطے میں تنازعات کے قواعد اب ان واقعات سے پہلے جیسے نہیں ہوں گے۔

در ایں اثنا بہت سارے ماہرین اور سیاسی مبصرین نے بتایا ہے کہ مقبوضہ علاقوں میں حالیہ سکیورٹی واقعات صہیونیوں کی سابقہ غیر مستحکم کرنے والی سرگرمیوں کا نتیجہ تھے، لبنانی اخبار نے یہ بھی اطلاع دی ہے کہ حالیہ دنوں میں مقبوضہ علاقوں میں سکیورٹی کے واقعات صیہونیوں کے لیے واضح پیغام ہیں بلکہ ان واقعات کو صیہونی حکومت کے رہنماؤں کے لئے مزاحمتی تحریک کی جانب سے کے ایک اہم پیغام کے طور پر دیکھا جاسکتا ہے۔

الاخبار نے مزید لکھا کہ مزاحمتی تحریک نے صحرائے النقب میں ڈیمونا اسٹریٹجک تنصیبات کے قریب ایک جگہ کو نشانہ بنا کرتل ابیب کے رہنماؤں کو ایک اہم پیغام بھیجا کہ صہیونی ظلم کے خلاف تحمل کا دور ختم ہوچکا ہے اور اب مزاحمتی مقاصد کے خلاف کسی بھی طرح کی حماقت کا صیہونی حکومت کے مستقبل کو سخت اور فیصلہ کن ردعمل کا سامنا کرنا پڑے گا ،یادرہے کہ ڈیمونا اسٹریٹجک مرکز کو نشانہ بنانے سے پہلے صہیونی عہدیداروں کا خیال تھا کہ صرف وہ سامنے والے پر دہشت گردی مسلط کرسکتے ہیں، لیکن اب سے سب کچھ بدل گیا ہے۔

اس بار وہ مزاحمت تھی جو صہیونیوں پر دہشت گردی کی مساوات مسلط کرنے میں کامیاب رہی، قابل ذکر ہے کہ حال ہی میں میڈیا نے اطلاع دی کہ مقبوضہ علاقوں میں ڈیمونا کے قریب ایک میزائل لگا ہے جس کے پیچھے کہانی یہ تھی کہ شام کے فضائی دفاعی نظام نے اسرائیلی لڑاکا طیاروں کی جانب سے سے داغے گئے میزائلوں کو روکا ، اور ان میزائلوں میں سے ایک مقبوضہ فلسطین کے اندر آگیا اور ڈیمونا کے قریب آکر لگا۔

واضح رہے کہ یہ ایک اہم پیشرفت تھی کیونکہ یہ پہلا موقع تھا جب شام کے فضائی دفاعی نظام نے کوئی میزائل فائر کیا جو مقبوضہ علاقوں تک پہنچا ہونیز صہیونی حکومت کا دفاعی نظام اس میزائل کا پتہ لگانے اور اسے روکنے میں مکمل طور پر ناکام رہا تھا، ایک ایسا میزائل جس نے صیہونیوں کو بیدار کیا اور انہیں پریشان کردیا کہ اگر یہ میزائل صیہونی حکومت کی جوہری تنصیبات سے ٹکرایا ہوتا تو یہ اسرائیل کو صیہونیوں کے لئے جہنم بنا دیتا۔

قابل ذکر ہے کہ ڈیمونا کے قریب لگنے والے شامی میزائل نے اس حقیقت کی عکاسی کی کہ پورا مقبوضہ فلسطین شام کی پہنچ میں ہے، اس سے ظاہر ہوتا ہے کہ صہیونی حکومت کے کسی بھی ہدف یا خطے کو آئندہ کی کسی بھی لڑائی میں میزائل حملوں سے استثنیٰ حاصل نہیں ہے اور تل ابیب اس حملے کے بعد اپنے حساب کتابوں پر نظر ثانی کرے گا۔