شام میں دہشتگروں کے کیمیائی حملوں کے منصوبے

?️ 3 جولائی 2021

سچ خبریں:روس کا کہنا ہے شام کے شہر ادلب میں ایک بار پھر دہشت گرد گروہ کیمیائی حملے کرنے کے منصوبے بنا رہے ہیں۔
روسی مرکز برائے صلح و آشتی نے اپنے ایک بیان میں کہا ہے کہ دہشتگرد عناصر ’’امدادی تنظیم نما‘‘ وائٹ ہیلمٹس نامی دہشگرد ٹولے کے ساتھ مل کر ادلب صوبے میں ایک کیمیائی حملے کی تیاری کر رہے ہیں،روسی مرکز کا کہنا ہے کہ اس وقت شام میں سرگرم دہشتگرد کیمیائی مادے کے حامل دس پیک ادلب منتقل کرنے کے درپے ہیں۔

اُدھر شام کی وزارت خارجہ نے کہا ہے کہ یہ اقدام امریکہ اور بعض دیگر مغربی ممالک کے اشاروں پر انجام دیا جا رہا ہے، یاد رہے کہ دہشتگرد اب تک بارہا ادلب صوبے اور غوطہ شرقی جیسے متعدد علاقوں میں کیمیائی حملے کر کے اس کا الزام دمشق حکومت کے سر ڈالنے کی کوشش کر چکے ہیں تاکہ شام پر ایک بار پھر مغربی ممالک کے حملے کی زمین ہموار کر سکیں۔

خیال رہے کہ امریکہ فرانس اور برطانیہ نے دہشتگردوں کی کامیاب جد و جہد کے بعد چودہ اپریل کو بشار اسد حکومت پر کیمیائی حملے کا الزام عائد کرنے کے بعد شام پر فضائی حملہ کر دیا تھا جس میں سو سے زائد میزائل شام کے مختلف علاقوں پر فائر کئے تھے، یہ حملہ اُس وقت انجام پایا جب غوطہ شرقی کے علاقے کو شامی فوج نے دہشتگردوں کے قبضے سے آزاد کرا لیا تھا جس سے ان ممالک کو شام میں اپنے ناپاک عزائم پورے ہوتے ہوئے نظر نہیں آئے تو انھوں نے حکومت کے خلاف اس طرح کے الزامات کا سہارہ لیا۔