سعودی عرب میں ایک بار پھر نوجوانوں کو سزا دینے کا عمل شروع

?️ 23 اگست 2022

سچ خبریں:انسانی حقوق کے مبصرین نے اعلان کیا کہ سزائے موت میں کمی کے وعدوں کے باوجود سعودی عرب نے حکومتی اقدامات کے خلاف احتجاج کرنے والے نوجوانوں کو سزائے موت دینے کا سلسلہ دوبارہ شروع کر دیا ہے۔
انسانی حقوق کے مبصرین نے اعلان کیا کہ سعودی عرب میں سات نوجوانوں کی سزائے موت کو ختم کیے جانے کے لیے کی جانے والی اپیل پر مسترد کرتے ہوئے سزا کو برقرار رکھا گیا ہے، چنانچہ انگریزی اخبار ٹائمز کی رپورٹ کے مطابق سعودی عرب نے حکومتی اقدامات کے خلاف احتجاج کرنے والے نوعمروں کو سزائے موت کا اجراء دوبارہ شروع کر دیا ہے۔

واضح رہے کہ اقدام یہ اس حقیقت کے باوجود ہے کہ سعودی حکام نے پہلے دعویٰ کیا تھا کہ انہوں نے نابالغوں کی سزائے موت پر عمل درآمد ختم کر دیا ہے،اخبار نے انکشاف کیا کہ جلال اللباد نامی نوجوان کو 31 جولائی کو آل سعود حکومت کے خلاف احتجاج کرنے سمیت متعدد الزامات کے تحت موت کی سزا سنائی گئی، اللباد جو اب 21 سال کا ہے، کو 2017 میں احتجاجی مظاہروں میں حصہ لینے کے الزام میں گرفتار کیا گیا تھا۔

اسی طرح 8 اگست کو سعودی عرب کی خصوصی فوجداری اپیل عدالت نے عبداللہ الدرازی کی سزائے موت کی توثیق کر دی، جسے 2014 میں 19 سال کی عمر میں گرفتار کیا گیا تھا۔ سعودی حکام نے الدرازی کو مظاہروں اور مظاہرین کے جنازوں میں شرکت، مظاہروں کے دوران پانی تقسیم کرنے، دہشت گرد گروہ کی تشکیل میں حصہ لینے اور عوامی املاک پر حملے کے الزامات کے تحت سزائے موت سنائی۔