رفح پر حملے کے بارے میں نیتن یاہو کا بیان

?️ 16 مئی 2024

سچ خبریں: صیہونی حکومت کے وزیراعظم نے اعلان کیا کہ غزہ کی پٹی کے جنوب میں واقع رفح پر اسرائیلی فوج کا حملہ کئی ہفتے جاری رہے گا۔

الجزیرہ نیوز چینل کی رپورٹ کے مطابق اسرائیلی وزیراعظم بنیامین نیتن یاہو نے اعلان کیا ہے کہ غزہ کی پٹی کے جنوب میں واقع رفح کے علاقے پر اسرائیلی فوج کا حملہ ہفتوں تک جاری رہے گا۔

یہ بھی پڑھیں: رفح پر حملے کے منصوبے کے بارے میں صیہونی سیاسی حلقوں کا اظہار خیال

اس کے علاوہ نیتن یاہو نے کہا کہ جب تک حماس موجود ہے غزہ میں جنگ کے مستقبل کے بارے میں بات کرنا مضحکہ خیز اور بیکار ہے، فوجی فتح کا کوئی نعم البدل نہیں ہے کیونکہ بصورت دیگر ہم عسکری، سیاسی اور ملکی طور پر ناکام ہو جائیں گے۔

نیز صیہونی حکومت کے وزیر اعظم نے ایک بار پھر عالمی برادری کے سامنے تاکید کی کہ وہ کبھی بھی فلسطینی ریاست کے قیام کی اجازت نہیں دیں گے۔

نیتن یاہو نے دعویٰ کیا کہ نہ تو اقوام متحدہ اور نہ ہی کوئی دوسرا ادارہ صہیونیوں کو جنگ جاری رکھنے اور اپنے دفاع سے روک سکتا ہے!

مزید پڑھیں: رفح پر حملے کے بارے میں مصر کا امریکہ اور اسرائیل دونوں کو انتباہ

انہوں نے مزید کہا کہ حماس کے کنٹرول کے خاتمے کے بغیر کوئی بھی فریق غزہ کی شہری انتظامیہ کو قبول نہیں کرے گا۔