حالیہ اسکینڈل نے اسرائیل کو لرزہ براندام کر دیا ہے: صہیونی میڈیا

?️ 9 مئی 2026

سچ خبریں:صہیونی ریاست میں ایران کے لیے جاسوسی کے اسکینڈل کو ایک سیکورٹی زلزلہ قرار دیا گیا ہے، صیہونی فوجیوں پر حساس معلومات ایران کو منتقل کرنے کے الزامات، جاسوسی کی نئی حکمت عملی اور شین بیٹ کی تفتیش کی تفصیلات۔

ایک صہیونی میڈیا نے مقبوضہ علاقوں میں ایران کے حق میں جاسوسی کے اسکینڈل کو صیہونی حکومت میں ایک سیکورٹی زلزلے سے تعبیر کیا ہے۔

صہیونی ویب سائٹ آئی 24 نیوز نے رپورٹ دی ہے کہ ایران کے لیے جاسوسی کا اسکینڈل اور صیہونی فوجیوں کی کارروائیوں کا انکشاف، صیہونی حکومت کو لرزہ براندام کر کے رکھ دیا ہے۔

اس رپورٹ میں کہا گیا ہے کہ ان فوجیوں نے مالی رقم وصول کرنے کے عوض ایران کو حساس معلومات منتقل کی ہیں۔ ایرانیوں نے ماضی کی طرح صرف عام شہریوں کو نہیں بلکہ فوجیوں کو استعمال کرنے میں کامیابی حاصل کی ہے۔

اس سے قبل صیہونی حکومت کی داخلی انٹیلی جنس اور سیکورٹی ایجنسی (شین بیٹ) اور اس حکومت کی ملٹری پولیس نے ایک مشترکہ بیان میں تین فوجیوں اور ایک عام شہری کے خلاف جاسوسی کا مقدمہ قائم کرنے کی اطلاع دی تھی۔

اس رپورٹ میں کہا گیا ہے کہ ملزمان نے ریلوے اسٹیشنوں، شاپنگ سینٹرز، سیکورٹی کیمروں اور بعض دیگر مقامات کی تصویر کشی کی ہے۔ نیز مذکورہ تینوں فوجیوں پر الزام ہے کہ انہوں نے فضائیہ کے تکنیکی اسکول سے متعلق تصاویر بھی ایرانی فریق کے حوالے کی ہیں۔