جنگ بندی کی ناکامی کا ذمہ دار سعودی اتحاد ہے:صنعاء

5 اکتوبر 2022

سچ خبریں:یمن کی نیشنل سالویشن گورنمنٹ کی مذاکراتی ٹیم کے سربراہ نے اس بات پر زور دیا کہ جارح اتحادی ممالک جنگ بندی کی ناکامی اور یمنی عوام کی انسانی صورت حال کی خرابی کے ذمہ دار ہیں۔

یورپی یونین کے انسانی امور کے رابطہ کار نے انصاراللہ کے ترجمان اور یمن کی قومی سالویشن گورنمنٹ کی مذاکراتی ٹیم کے سربراہ محمد عبدالسلام سے ٹیلیفون پر بات چیت کی، انصار اللہ نیوز ویب سائٹ نے عبدالسلام کے حوالے سے رپورٹ دی ہے کہ اس فون کال میں ہم نے ملازمین کی تنخواہوں، ریٹائر ہونے والوں کی پنشن کی ادائیگی نیز الحدیدہ بندرگاہ اور صنعاء کے ہوائی اڈے پر من مانی پابندیوں کو ختم کرنے کے حوالے سے اپنے مخصوص موقف پر زور دیا۔

اس یمنی عہدیدار نے کہا کہ جارح اتحادی ممالک جنگ بندی کی ناکامی اور یمنی عوام کی انسانی صورت حال کی خرابی کے ذمہ دار ہیں، نیشنل سالویشن گورنمنٹ کے وزیر خارجہ ہشام شرف نے بھی اس بات پر زور دیا کہ جارح سعودی اتحاد جنگ بندی کے بارے میں سنجیدہ نہیں ہے، شرف نے یہ بھی کہا کہ صنعاء کی طرف سے پیش کیے جانے والے انسانی مطالبات کا جواب دینے سے انکار اس بات کی علامت ہے کہ سعودی اتحاد یمنی بحران کا حل تلاش کرنے میں سنجیدہ نہیں ہے۔