ترکی نے ایران کے خلاف مبینہ منصوبے سے متعلق افواہوں کی تردید کر دی

ترکی نے ایران کے خلاف مبینہ منصوبے سے متعلق افواہوں کی تردید کر دی

ترکی کے صدارتی محکمۂ مواصلات نے اُن میڈیا رپورٹس کو سختی سے مسترد کر دیا ہے جن میں دعویٰ کیا گیا تھا کہ امریکہ کے ممکنہ حملے کی صورت میں ترکی ایران کے بعض علاقوں پر قبضے کا ارادہ رکھتا ہے۔

ترک خبر رساں ادارے  کے مطابق صدارتی دفتر کی جانب سے جاری بیان میں کہا گیا ہے کہ بعض ذرائع ابلاغ کی جانب سے پھیلائی جانے والی یہ خبریں گمراہ کن اور بے بنیاد ہیں۔

بیان میں زور دیا گیا کہ ترکی ہمیشہ اپنے ہمسایہ ممالک کی خودمختاری اور علاقائی سالمیت کا احترام کرتا آیا ہے اور ملکی سرحدوں کے تحفظ کے لیے ضروری اقدامات معمول کے مطابق جاری رکھے ہوئے ہے، خواہ حالات ہنگامی ہوں یا معمول کے۔

ترکی کے صدارتی مواصلاتی ادارے نے عوام پر زور دیا کہ وہ غیر مصدقہ خبروں پر یقین نہ کریں اور صرف سرکاری اداروں کے بیانات کو مستند سمجھیں۔