ایران اور افریقہ کے بڑھتے تعلقات سے صیہونی پریشان

?️ 7 ستمبر 2022

سچ خبریں:صیہونی حکام نے ایران اور افریقی ممالک کے درمیان بڑھتے ہوئے تعلقات پر اپنی تشویش کا اظہار کرتے ہوئے کہا ہے کہ ایران افریقہ کا ایک نظریاتی شریک بن گیا ہے۔

صہیونی اخبار ٹائمز آف اسرائیل نے اپنی ایک رپورٹ میں تل ابیب کے رہنماؤں کو خبردار کیا کہ ایران افریقہ میں اپنا اثر و رسوخ بڑھا رہا ہے،اس صہیونی اخبار نے تل ابیب کے رہنماؤں کو امریکی پابندیوں سے بچنے کے لیے پریٹوریہ (جنوبی افریقہ کے انتظامی دارالحکومت) کے ساتھ تہران کے تعلقات کے استعمال کے بارے میں خبردار کیا اور لکھا کہ اسلامی جمہوریہ کی نسل پرستی کے خلاف جدوجہد کی حمایت کرنے کی ایک طویل تاریخ ہے اور اس کے پریٹوریا کے ساتھ قریبی تعلقات ہیں۔

تل ابیب کے اس اخبار نے اگست کے اوائل میں جنوبی افریقہ کے سابق صدر نیلسن منڈیلا کے پوتے کے دورہ ایران کی طرف اشارہ کرتے ہوئےلکھا کہ سابق افریقی رہنما کے پوتے کو ایران کی طرف سے اسلامی انسانی حقوق ایوارڈ دیا گیا اور اس موقع پر انہیں ایران میں ایک تقریب میں اپنے دادا کی نسل پرستی کے خلاف جدوجہد کی حمایت کرنے پر اعزاز سے نوازا گیا۔

اس صہیونی اخبار نے منڈیلا کے پوتے کو صیہونی مخالف کے طور پر متعارف کرایا اور افریقہ برائے فلسطین تحریک سے منسلک کیا، جو صیہونی حکومت کے خلاف بین الاقوامی بائیکاٹ، ڈس انویسٹمنٹ اور پابندیاں تحریک کے قریب تحریکوں میں سے ایک ہے۔