امریکہ اپنا اشتعال انگیز رویہ بند کرے:چین

🗓️ 25 مارچ 2023

سچ خبریں:چین کی وزارت قومی دفاع نے جمعہ کو شیشا جزائر کے قریب ایک امریکی ڈسٹرائیر کے چینی علاقائی پانیوں کی خلاف ورزی کے بعد امریکہ سے اشتعال انگیز رویہ روکنے کا مطالبہ کیا۔

شنہوا نیوز ایجنسی کی رپورٹ کے مطابق چین کی وزارت دفاع کے ترجمان تان کیفی نے ایک بیان میں تاکید کی کہ بحیرہ جنوبی چین میں پیپلز لبریشن آرمی (PLA)کی کمان نے امریکی تباہ کن جنگی جہاز(USS Milius) کا سراغ لگایا اور اس کی نگرانی کی نیز قانون کے ساتھ اور اسے خبردار کیا ہے

اس چینی دفاعی عہدیدار کے مطابق اس حملے نے بحیرہ جنوبی چین میں امن و استحکام کو شدید نقصان پہنچایا ہے اور چین کی خودمختاری اور سلامتی کے ساتھ ساتھ بین الاقوامی قانون کی بھی شدید خلاف ورزی کی ہے جس کے بعد امریکہ کی جانب سے اشتعال انگیزی جاری رکھنے کی صورت میں سنگین نتائج کی وارننگ دی گئی ہے۔

یاد رہے کہ چین کی وزارت قومی دفاع کے بیان میں یہ بھی کہا گیا ہے کہ چینی پیپلز لبریشن آرمی(PLA) کی کمان چین کی خودمختاری اور قومی سلامتی کے ساتھ ساتھ جنوبی بحیرہ چین میں امن و استحکام کے لیے تمام ضروری اقدامات کرے گی اور کسی کو بھی اس امن و استحکام میں رخنہ ڈالنے نیز چین کی خود مختاری اور قومی سلامتی کو نقصان پہنچانے کی اجازت نہیں دے گی۔