امریکہ اور اسرائیل متحدہ عرب امارات کے لیے کچھ نہیں کر سکتے:انصاراللہ

?️ 21 جنوری 2022

سچ خبریں:یمن کی عوامی تحریک انصاراللہ کے سیاسی بیورو کے ایک رکن نے اس بات کا ذکر کرتے ہوئے کہ یمن کی جنگ صیہونی حکومت کے لیے کی لڑی جاری ہے، کہا کہ امریکہ اور اسرائیل متحدہ عرب امارات کے لیے کچھ نہیں کر سکتے ہیں۔
المسیرہ چینل کی رپورٹ کے مطابق یمنی عوامی تنظیم انصاراللہ کے سیاسی بیورو کے رکن عبدالوہاب المحبشی نے کہا ہے کہ یمن میں جارحیت کے آغاز سے ہی ہم نے صیہونی حکومت کا سامنا کیا ہے اور بنیادی طور پر صیہونی حکومت کے تحفظ کے لیے یمن پر حملہ شروع کیا گیا ہے۔

انہوں نے مزید کہاکہ فلسطینی عوام کو یہ باور کرنا چاہیے کہ ہماری جنگ ان کی جنگ ہے، المحبشی نے مزید تاکید کی کہ آج امریکی اور صیہونی سعودی عرب اور متحدہ عرب امارات کے ساتھ ہیں اور یہ خدا کی مدد سے ہمیں فتح کے قریب لے جاتا ہے۔

یمن کی انصار اللہ کے سیاسی بیورو کے رکن نے کہا کہ امریکہ اور اسرائیل متحدہ عرب امارات کی حمایت نہیں کر سکتے اس لیے کہ دونوں سعودی عرب کا ساتھ دینے میں ناکام رہے ہیں نیزصیہونی حکومت بھی مزاحمتی میزائلوں کے مقابلے میں ناکام ہو چکی ہے۔

انہوں نے مزید کہاکہ متحدہ عرب امارات کو اپنے آپ کو بچانا چاہیے اس لیے کہ اقتصادی اور سلامتی کے نقطہ نظر سے کشیدگی اور جنگ اس کے مفاد میں نہیں ہے۔